நாம் உண்ணும் உணவை ஆற்றலாக மாற்றி கொழுப்பை எரிப்பதில், வளர்சிதை மாற்றம் என்னும் மெட்டபாலிஸம் குறிப்பிடத்தக்க பங்கு வகிக்கிறது.
மிளகாய்க்கு காரமான தன்மையைக் கொடுக்கும் கேப்சைசின் என்ற பொருள் மசாலாப் பொருட்களில் உள்ளது. உங்கள் வளர்சிதை மாற்ற விகிதத்தை கேப்சைசின் அதிகரிக்கும். இது கலோரிகளை அதிகம் எரிக்கும்.
இஞ்சி உங்கள் கலோரிகளை விரைவாக எரிக்கும் திறன் கொண்டவை. இஞ்சியில் இரைப்பைக் குழாயில் அழற்சி எதிர்ப்பு, உயர் இரத்த அழுத்த எதிர்ப்பு ஆகிய பண்புகள் உள்ளன.
உடலுக்கு சூட்டை கொடுக்கும் இலவங்கபட்டை, வளர்சிதை மாற்றத்தை மேம்படுத்தும். மேலும், இது குளுக்கோஸ் அளவைக் கட்டுப்படுத்தவும் உதவுகிறது.
நார்ச்சத்து மற்றும் சிக்கலான கார்போஹைட்ரேட்டுகள் அதிகம் உள்ள ஓட்ஸ், குயினோவா மற்றும் பழுப்பு அரிசி ப் முழு தானிய உணவுகள் ஜீரணிக்க அதிக ஆற்றல் தேவைப்படுவதால், வளர்சிதை மாற்ற விகிதம் அதிகரிக்கும்.
புரோட்டீன் நிறைந்த உணவுகளான பால் பொருட்களுடன், முட்டை, கோழி, மீன், கடல் உணவு மற்றும் இறைச்சி வளர்சிதை மாற்றத்தை அதிகரிக்கும்.
தண்ணீர் அதிகம் குடிப்பது வளர்சிதை மாற்றத்தை அதிகரிக்கும். ஒட்டுமொத்த ஆரோக்கியத்திற்கு உடலில் போதுமான அளவு நீர்சத்து இருப்பது முக்கியம். எனவே, நாள் முழுவதும் அடிக்கடி தண்ணீர் குடிக்க முயற்சி செய்யுங்கள்.
ஃபிளாவனாய்டுகள் நிறைந்த அவுரிநெல்லிகள், ஸ்ட்ராபெர்ரிகள் மற்றும் ராஸ்பெர்ரிகள் உள்ளிட்ட பெர்ரிகள் இன்சுலின் உணர்திறனை அதிகரிப்பதன் மூலம், வளர்சிதை மாற்றத்தை அதிகரிக்கும். பெர்ரியில் கலோரிகளும் குறைவு.
நார்ச்சத்து, புரதம் மற்றும் நல்ல கொழுப்புகளைக் கொண்ட ஊட்டச்சத்து நிறைந்த நட்ஸ் (Nuts), மெட்டபாலிஸத்தை அதிகரிப்பதோடு, வயிறு நிறைந்த உணர்வை கொடுக்கும்.
கிரீன் டீ வளர்சிதை மாற்றத்தை விரைவுபடுத்தும் திறன் கொண்டதோடு, கலோரி எரிப்பதை அதிகரிக்கும் கேடசின்கள் எனப்படும் பொருட்கள் இதில் உள்ளது.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.