அதிக கலோரி கொண்ட சர்க்கரை அதிகப்படியான ஆற்றலை கொடுக்கிறது. சர்க்கரை கொடுக்கும் அதீத ஆற்றலை பயன்படுத்தாதபோது, அதனால் உடலில் அதிகப்படியான கொழுப்பு சேர்ந்து, உடல் பருமன அதிகரிக்கிறது.
சர்க்கரைக்கு மாற்றான பொருட்களை பயன்படுத்துவது மிகவும் பலன் தரும். இதன் மூலம் சர்க்கரை உண்ணும் பழக்கத்தை கட்டுப்படுத்துவது எளிது.
ஸ்டீவியா எனப்படும் இனிப்பு சீனித் துளசி இலைகளில் இருந்து தயாரிக்கப்படுகிறது. இதில் உள்ள ஸ்டீவியோசைடு, ரெபாடையோசைடு போன்ற வேதிப்பொருள்கள்தான் இதன் இனிப்புக்கு முக்கியக் காரணங்கள்.
மெலன் வகையை சார்ந்த பழமான மாங்க் பழம் இரத்தச் சர்க்கரையை அதிகரிக்காத மற்றொரு இயற்கை இனிப்பு. சர்க்கரையை விட பல மடங்கு இனிமையானது. தீங்கு விளைவிக்கும் பக்கவிளைவுகளைக் கொண்ட செயற்கை இனிப்புகளுக்கு மிகச் சிறந்த மாற்றாகும்.
பிரவுன் சர்க்கரையை விட பேரீச்சம் பழத்தில் அதிக நார்ச்சத்து உள்ளது. சர்க்கரைக்கு சிறந்த மாற்று. அதோடு பொட்டாசியம், மெக்னீசியம், மாங்கனீஸ், வைட்டமின் பி6 மற்றும் ஆன்டிஆக்ஸிடன்ட்களின் நல்ல ஆதாரம்.
தேங்காய் சர்க்கரை, தேங்காய் பனை சர்க்கரை என்றும் அழைக்கப்படுகிறது, இது தென்னை மரங்களின் பூ மொட்டுகளின் சாற்றில் இருந்து தயாரிக்கப்படும் ஒரு இயற்கை இனிப்பு ஆகும்.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.