சுவாசிக்கும் காற்றானது மூச்சுக்குழாய் வழியே நுரையீரலை அடைகிறது. இந்த பாதையில் தடைகள் ஏற்பட்டால் திசுக்கள் அதிர்வுறுவதால் குறட்டை ஏற்படுகிறது.
குறட்டை என்பது தூக்கம் தொடர்பான பிரச்சனை. குறட்டை ஏற்படுவதால் அடுத்தவர்களின் தூக்கம் கெடுவதோடு குறட்டை விடுபவரும் குற்றவாளியாக பார்க்கப்படுகிறார்.
ஒரு கிளாஸ் வெதுவெதுப்பான பாலில் 2 தேக்கரண்டி மஞ்சள் தூள் கலந்து கலக்கி இரவு படுக்க செல்லும் முன் தினமும் பருகுவது குறட்டையை போக்க உதவும்
நீங்கள் தூங்கும் நிலையை மாற்றுவதன் மூலம் குறட்டை பிரச்சனையை ஓரளவிற்கு தவிர்க்கலாம். படுக்கும்போது சற்று அதிக அளவில் தலையணைகளைப் பயன்படுத்தலாம்.
இரவில் தூங்க அதிக கொழுப்பு உணவுகளை உட்கொண்டால், சளியை அதிகரிக்கச் செய்து குறட்டைக்கு வழிவகுக்கும். எனவே, கொழுப்புச் சத்துள்ள உணவுப் பொருட்களை இரவில் தவிர்க்கவும்.
புதினா குறட்டை பிரச்சனையை நீக்க உதவும். தூங்கும் முன் உங்கள் மூக்கில் சில துளிகள் புதினா எண்ணெயை விட பலன் கிடைக்கும்.
குறட்டை பிரச்சனையால் அவதிப்பட்டு வந்தால், தூங்கும் முன் மது பானங்களை அருந்துவதை தவிர்க்க வேண்டும்.
புகைபிடிக்கும்போது, தொண்டையில் புண் மற்றும் வீக்கங்களை உருவாக்கி குறட்டை பிரச்சனையை அதிகரிக்கும். எனவே புகை பிடித்தலை கைவிட வேண்டும்.
எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.