பப்பாளியில் பப்பைன் என்ற நொதி உள்ளது, இது வயதான அறிகுறிகளைத் தடுக்க உதவுகிறது. இந்த பழத்தில் லைகோபீன் போன்ற ஆன்டிஆக்ஸிடன்ட்கள் நிறைந்துள்ளன, இது வயதான செயல்முறையை மெதுவாக்கும் சக்தி கொண்டது.
தினமும் மாதுளை சாப்பிட்டால், மூளையில் உள்ள நரம்பியல் கடத்திகள் இயற்கையாகவே சக்தியினை பெறுவதால், மூளை சுறுசுறுப்பாகும். ஞாபகசக்தி அதிகரிக்கும். அத்துடன் அல்சைமர் மற்றும் மூளைக் கட்டிகள் வராமல் தடுத்து பாதுகாக்கும்.
தயிரில் புரோபயாடிக்குகள் உள்ளன, இது உங்கள் குடலில் நல்ல பாக்டீரியாக்களின் வளர்ச்சிக்கு உதவுகிறது. தயிரில் உள்ள லாக்டிக் அமிலம் சருமத்தை அழகாகவும் வலுவாகவும் மாற்றும். ரிபோஃப்ளேவின் அல்லது வைட்டமின் பி12 நிறைந்த தயிர் சருமத்தை பளபளப்பாகவும், நீரேற்றமாகவும் வைத்திருக்கும்.
பச்சை இலைக் காய்கறிகளில் காணப்படும் குளோரோபில், சருமத்தில் உள்ள கொலாஜனை அதிகரித்து, முகத்தில் வயதான அறிகுறிகளைக் குறைக்கிறது. சிறந்த சருமத்திற்கு தேவையான அனைத்து ஊட்டச்சத்துக்களும் இவற்றில் காணப்படுகின்றன.
தக்காளியில் அதிக அளவு லைகோபீன் உள்ளது. இது தவிர, தக்காளி வைட்டமின் சியின் சிறந்த மூலமாகும், இது கொலாஜன் உற்பத்தியை அதிகரிக்க உதவுகிறது. மேலும், வைட்டமின் ஏ அதிகமாக அடங்கியுள்ளதால் கண் பார்வையை மேம்படுத்தும் சக்தி கொண்டுள்ளது.
வயதாகும்போது, உங்கள் ஈஸ்ட்ரோஜன் அளவு குறைவதால், எலும்புகளை பலவீனமாகும். எனவே, வைட்டமின் டி உடன் கால்சியம் உட்கொள்வதை அதிகரிக்க வேண்டியது அவசியம். கால்சியத்தின் நல்ல ஆதாரங்களில் பால், தயிர், சியா விதைகள், பாலாடைக்கட்டி, ப்ரோக்கோலி, பாதாம், போன்றவை அடங்கும்.
ஃப்ரீ ரேடிக்கல்கள் திசுக்களின் வயதை அதிகரிக்கச் செய்கின்றன. மேலும் அவற்றை எதிர்த்துப் போராடுவதற்கும் அகற்றுவதற்கும் ஆக்ஸிஜனேற்ற நிறைந்த க்ரீன் டீ, ப்ளாக் டீ, காபி, கருப்பு அரிசியையும் உணவில் சேர்த்துக்கொள்ளலாம்.