அனைவரின் வீட்டில் டீ காபி குடிப்பது வழக்கமாக இருக்கும். பலருக்கு டீயுடன் தான் நாளே தொடங்கும்.

தண்ணீரில் டீ தூளை போடு கொதிக்க வைக்கும் போது பொங்குவதில்லை... ஆனால் பாலை ஊற்றி கொதிக்க விட்டதும் பொங்குகிறது.

டீ தூள் ஓரளவுக்கு கொதித்த உடன் அதில் பாலை சேர்க்கிறோம்.

பாலை கொதிக்க வைக்கும் போது அதில் உள்ள கொழுப்பு, புரதம் ஆகிய இரண்டு பொருட்களும் பிரிந்து வரும்.

கொதிக்கும் போது டீயின் மேல் ஒரு லேயர் போல் தோன்றும். இதனை பாலாடை என்கிறோம்.

பாலில் உள்ள தண்ணீர் அதற்கு அடியில் இருக்கும் நிலையில், கீழ் இருக்கும் தண்ணீர் நீராவியாகி மேல் வரவிடாமல் பாலாடை தடுத்துக்கொண்டு இருக்கும்.

நீராவி ஒரு கட்டத்திற்கு மேல் பாலாடையை தள்ளிக் கொண்டு வெளியில் வரும்.

பாலாடை மீறிக் கொண்டு நீராவி வெளி வரும் போது ஏற்படும் உந்துதல் காரணமாக பால் பொங்கி வருகிறது.