இந்திய அரசியலமைப்பை ஏற்றுக்கொண்டதை நினைவுகூரும் வகையில் இந்திய குடியரசு தினம் கொண்டாடப்படுகிறது
பள்ளி, கல்லூரிகளில் தேசியக் கொடி ஏற்றி இந்திய குடியரசு தினம் கொண்டாடப்படுகிறது. இந்தியாவின் சுதந்திரப் போராட்டத்தை வலியுறுத்தும் கலாச்சார நிகழ்வுகள் நாடு முழுவதும் நடத்தப்படுகின்றன
புதுடெல்லியில் பிரமாண்டமான அணிவகுப்பு நடைபெறுகிறது. அணிவகுப்புக்கு இந்திய குடியரசுத் தலைவர் தலைமை தாங்குவார். பாதுகாப்பு அமைச்சகத்தால் ஏற்பாடு செய்யப்படும் இந்த கொண்டாட்டங்களில், இந்தியாவின் இராணுவ வலிமை மற்றும் இந்தியாவின் மாறுபட்ட கலாச்சாரத்தையும் காட்டும் விதமாக அமைந்திருக்கும்
நாட்டிற்காக உயிர் தியாகம் செய்த தியாகிகளுக்கு அஞ்சலி செலுத்தப்படுகிறது. இந்தியா கேட்டில் உள்ள தேசிய போர் நினைவிடத்துக்கு பிரதமர் நரேந்திர மோடி வருவதுடடன் அணிவகுப்பு விழா தொடங்கும்.
உயிர்நீத்த ராணுவ வீரர்களுக்கு பிரதமர் மலர் வளையம் வைத்து அஞ்சலி செலுத்துவார். இதையடுத்து பிரதமர் மற்றும் விருந்தினர்கள், கர்தவ்யா பாதையில் உள்ள நிகழ்ச்சி மேடைக்கு செல்வார்கள்
திரெளபதி முர்மூ கர்தவ்ய பாதைக்கு வருகை தருவார். அவரை பிரதமர் மற்றும் பாதுகாப்பு அமைச்சர், முப்படை தளபதிகள் வரவேற்பார்கள்
பாரம்பரிய முறைப்படி கர்தவ்ய பாதையில் தேசிய கொடி ஏற்றப்படும். அந்த நேரத்தில் 21 குண்டுகள் முழங்க தேசிய கீதம் இசைக்கப்படும்
பரம்வீர் சக்ரா, அசோக் சக்ரா, வீர் சக்ரா என நாட்டை பாதுகாக்கும் பணியில் ஈடுபட்டிருக்கும் முப்படையினருக்கும் குடியரசுத் தலைவர் விருதுகளை வழங்குவார்
விருதுகளை வென்றவர்கள் ராணுவ ஜீப்பில் குடியரசுத் தலைவருக்கு வணக்கம் செலுத்துவார்கள். இதைத் தொடர்ந்து, அணிவகுப்பு ஊர்வலங்கள் நடைபெறும்