சிதம்பரம் இயக்கத்தில் மலையாளத்தில் பிப்ரவரி 22 ஆம் தேதி வெளியான மஞ்சும்மல் பாய்ஸ் மிகப்பெரிய வெற்றிப் படமாக அமைந்தது.
இந்தப் படம் நாடு முழுக்க பட்டிதொட்டி எல்லாம் ஹிட் அடித்து, 200 கோடி ரூபாய்க்கு மேல் வாரிக்குவித்து வசூல் சாதனை படைத்தது.
மஞ்சும்மல் பாய்ஸ் படத்தின் கிளைமேக்சில் நடிகர் கமல்ஹாசன் நடித்த குணா திரைப்படத்தின் ‘கண்மணி அன்போடு காதலன்’ என்ற பாடலை படக்குழு பயன்படுத்தியது.
33 ஆண்டுகளுக்கு முன்னர் வெளியான இந்த பாடல், மீண்டும் பிரபலமானது மஞ்சும்மல் பாய்ஸ் திரைப்படத்தினாலே.
இந்த பாடலை பயன்படுத்த இசையமைப்பாளர் இளையராஜாவிடம் அனுமதி கோரவில்லை என்பதால் 2 கோடி ரூபாய் இழப்பீடு வழங்கக்கோரி நோட்டீஸ் அனுப்பினார்.
இதன் பின்னர் இளையராஜா தரப்பு, மஞ்சும்மல் பாய்ஸ் படத்தின் தயாரிப்பாளர்கள் இடையே பேச்சுவார்த்தை நடத்தப்பட்டது.
இறுதியாக இளையராஜா இழப்பீடாக 60 லட்சம் ரூபாயை தயாரிப்பாளர்கள் இறுதியாக கொடுத்ததாகவும் கூறப்படுகிறது. இதனால் தற்போது இந்த பிரச்னை முடிவுக்கு வந்துள்ளது.