ஆடிப்பூர நாளன்று ஆண்டாள் நாச்சியார் அவதரித்தார். பெருமாளின் மேல் கொண்ட பக்தி காதலாக கசிந்துருக, அவரையே மணாளனாக நினைத்து பாடல்கள் இயற்றி ஆழ்வாராக உயர்ந்த பக்தை அவதரித்த நாள்...
ஆண்டவனுக்கு தொடுத்த மாலைகளை ஆண்டாள் தான் சாற்றி அழகு பார்த்த பிறகே ஸ்ரீரங்கத்திற்கு அனுப்பி வைபபராம், அதை பெருமாளும் மனமுகந்து ஏற்றுக் கொண்டதாக ஐதீகம்.
ஸ்ரீவில்லிபுத்தூர் ஆண்டாள் சூடிக் களைந்த மாலை திருப்பதியில் பிரம்மோற்சவ விழாவின் முக்கிய நிகழ்வான கருட சேவையன்று பெருமாளுக்கு சாற்றப்படுவது வழக்கம்
ஆண்டாளின் திருப்பாவை, நாலாயிர திவ்யப் பிரபந்தத்தில் இடம் பெற்றுள்ளன. வைணவ சம்பிரதாயத்தில் ஆண்டாளுக்கும் அவரது பக்தியில் கசிந்துருகும் திருப்பாவைக்கும் முக்கிய இடம் உண்டு
வெங்கடேச பெருமாள் கோவிலில் ஆண்டின் 11 மாதங்கள் அதிகாலையில் சுப்ரபாதம் பாடி பெருமாளை துயிலெழுப்பினால், மார்கழி மாதம் மட்டும் திருப்பாவை ஒலிக்கும் என்பது ஆண்டாளின் பக்திக்கு கொடுக்கப்படும் மரியாதை
வைணவக் கோவில்களில் மட்டுமல்ல, அனைத்து ஆலயங்களிலும் ஆடிப்பூரம் வெகு விமரிசையாகக் கொண்டாடப்படுகிறது
அம்மனுக்கு தேவலோகத்தினர் வளைகாப்பு நடத்தி, வளையல் அணிவித்து அம்மனை மகிழ்வித்ததாக ஐதீகம். அதை நினைவூட்டும் வகைய்லி ஆடிப்பூரத்தில் அம்பாளுக்கு வளையல்களை அணிவிப்பது வழக்கம்
மதுரையில் மீனாட்சி அம்மன் கோவில் 'முளைக்கொட்டு விழா' பிரசித்தி பெற்றது. ஆடிப்பூர நாளன்று இந்த விழா நடைபெறும் பிரகாரத்திற்கு 'ஆடி வீதி' என்றே பெயர் சூட்டப்பட்டுள்ளது.
பாரம்பரிய நம்பிக்கைகள், தொன்றுதொட்டு தொடரும் நம்பிக்கைகள், பழக்கவழக்கங்களின் அடிப்படையில் எழுதப்பட்ட இந்தக் கட்டுரையின் உள்ளடகத்திற்கு ஜீ மீடியா பொறுப்பேற்காது