இந்திய அணியில் விளையாடப்போகும் லக்னோ சூப்பர் ஜெயண்ட்ஸ் பிளேயர்
ஐபிஎல் போட்டியில் லக்னோ அணியில் விளையாடும் மயங்க் வேகப்பந்துவீச்சில் முத்திரை பதித்துள்ளார்.
2 ஐபிஎல் போட்டிகளில் விளையாடி மொத்தம் 6 விக்கெட்டுகளை கைப்பற்றியுள்ளார்.
இரண்டு போட்டிகளிலும் ஆட்டநாயகன் விருதை வென்றும் அசத்தியுள்ளார். 150 கிலோ மீட்டர் வேகத்தில் பந்துவீசும் அவர் துல்லியமான லைனில் வீசி பேட்ஸ்மேன்களை திணறடிக்கிறார்.
அவருக்கு மிகப்பெரிய எதிர்காலம் இருக்கிறது என உலகின் முன்னணி கிரிக்கெட் வீரர்களும் தெரிவித்துள்ளனர். மயங்க் யாதவும் இந்திய அணிக்கு விளையாட விரும்புவதாக கூறியுள்ளார்.
அநேகமாக ஐபிஎல் தொடருக்கு பிறகு நடைபெறும் 20 ஓவர் உலக கோப்பை போட்டியில் விளையாட வாய்ப்பு இருக்கிறது.
இதற்கான இந்திய அணி தேர்வு விரைவில் நடக்க இருக்கும் நிலையில் மயங்க் யாதவின் பெயரும் பரிசீலிக்கப்படும் என தெரிகிறது.