ஹர்திக் பாண்டியா விலகல் - மும்பைக்கு சிக்கல்?

காயம் காரணமாக ஆப்கானிஸ்தான் தொடரில் இருந்து விலகினார் ஹர்திக் பாண்டியா

உலகக் கோப்பை தொடரின் போது ஹர்திக் பாண்டியாவிற்கு கணுக்கால் பகுதியில் காயம் ஏற்பட்டது.

இதன் காரணமாக எஞ்சிய போட்டிகளில் ஹர்திக் பாண்டியா விளையாடவில்லை.

ஆஸ்திரேலியாவிற்கு எதிரான 5 போட்டிகள் கொண்ட டி20 தொடரில் இடம் பெறவில்லை.

அவருக்குப் பதிலாக சூர்யகுமார் யாதவ் கேப்டனாக நியமிக்கப்பட்டார்.

தென் ஆப்பிரிக்காவிற்கு எதிரான தொடரிலும் ஹர்திக் பாண்டியா இடம் பெறவில்லை.

இதன்பிறகு இந்திய அணி ஆப்கானிஸ்தான் அணிக்கு எதிரான தொடரில் விளையாடுகிறது.

அந்த அணிக்கு எதிரான 3 போட்டிகள் கொண்ட டி20 தொடரிலிருந்தும் ஹர்திக் பாண்டியா விலகியுள்ளார்.

வரும் மார்ச் மாதம் தொடங்க இருக்கும் ஐபிஎல் தொடருக்கு அவர் தயாராகும் வகையில், இந்த தொடரிலிருந்து விலகியுள்ளார்.

இருப்பினும் ஐபிஎல் தொடருக்கு முன் உடல் தகுதியை அவர் எட்டுவாரா? என்ற கேள்வி இப்போது எழுந்துள்ளது.