மும்பைக்கு அடுத்த ஹர்திக் பாண்டியா ரெடி..! அர்ஷின் யார்?

19 வயதுகுட்பட்டோருக்கான ஆசிய கோப்பை தொடரில் ஆஃப்கானிஸ்தான் அணிக்கு எதிரான போட்டியில் இந்திய அணி வெற்றி பெற்றது.

இளம் வீரர் அர்ஷின் குல்கர்னியின் அபார ஆட்டத்தால் இந்திய அணி 7 விக்கெட்டுகள் வித்தியாசத்தில் இப்போட்டியை வென்றது

8 அணிகளுக்கு இடையிலான யு19 ஆசிய கோப்பை தொடர் ஐக்கிய அரபு அமீரகத்தில் தொடங்கியுள்ளது.

இதன் முதல் போட்டியில் ஆஃப்கானிஸ்தான் அணியை எதிர்த்து இந்திய அணி களமிறங்கியது.

இந்த போட்டியில் டாஸ் வென்ற இந்திய அணி கேப்டன் உதய் சஹரின் பந்துவீச்சை தேர்வு செய்தார்.

50 ஓவர்களில் ஆஃப்கானிஸ்தான் அணி 173 ரன்காளுக்கு ஆல் அவுட்டாகியது. இந்திய அணி தரப்பில் ராஜ் லிம்பானி மற்றும் அர்ஷின் குல்கர்னி இருவரும் தலா 3 விக்கெட்டுகளை வீழ்த்தினர்.

இதனையடுத்து களமிறங்கிய இந்திய அணி ஒரு கட்டத்தில் 32 ரன்களுக்கு 2 விக்கெட்டுகளை இழந்து தடுமாறியது.

பின்னர் அர்ஷின் குல்கர்னி - கேப்டன் சஹரன் இருவரும் இணைந்து நிதான ஆட்டத்தை வெளிப்படுத்தினர்.

சிறப்பாக ஆடிய அர்ஷின் குல்கர்னி 70 ரன்கள் எடுத்து கடைசி வரை ஆட்டமிழக்காமல் இருந்தார். அதேபோல் முஷீர் கான் 48 ரன்கள் எடுத்து இந்திய அணியின் வெற்றிக்கு உதவினார்.

ஆல்ரவுண்டராக ஜொலித்து இந்திய அணி வெற்றிக்கு அழைத்துச் சென்ற அர்ஷின் குல்கர்னி அனைவரது கவனத்தையும் ஈர்த்திருக்கிறார். அடுத்த ஹர்திக் பாண்டியா இவரோ? எனவும் பேச்சு எழுந்துள்ளது