25 வருஷத்தில் அதிகம் தேடப்பட்ட கிரிக்கெட் வீரர்?

கடந்த 25 ஆண்டுகளில் மக்களால் அதிகம் தேடப்பட்ட கிரிக்கெட் வீரர் யார் என்பதை கூகுள் நிறுவனம் வெளியிட்டுள்ளது.

கடந்த 1998- ம் ஆண்டு தொடங்கப்பட்ட கூகுள் நிறுவனம் தற்போது வெற்றிகரமாக 25 ஆண்டுகளை நிறைவு செய்துள்ளது.

இதையொட்டி இந்த 25 ஆண்டுகளில் அதிகம் தேடப்பட்ட கிரிக்கெட் வீரர்கள் யார் என்பதை கூகுள் தெரிவித்துள்ளது.

இதில் உலகளவில் அதிகம் தேடப்பட்ட கிரிக்கெட் வீரர் என்ற பெருமை இந்திய வீரர் விராட் கோலிக்கு கிடைத்துள்ளது.

சச்சின் டெண்டுல்கர், மகேந்திர சிங் தோனி, ரோஹித் சர்மா என பிற இந்திய வீரர்களை பின்னுக்கு தள்ளி இந்த சாதனையை விராட் படைத்துள்ளார்.

2008-ம் ஆண்டு கிரிக்கெட் உலகில் காலடி எடுத்து வைத்த விராட், தொடர்ந்து கிரிக்கெட் உலகின் சாதனைகள் அனைத்தையும் மாற்றி எழுதி வருகிறார்.

சமீபத்தில் நடந்த உலகக்கோப்பை தொடரில் ஒருநாள் போட்டிகளில் 49 சதங்கள் என்ற சச்சினின் உலக சாதனையை முறியடித்தார்

இதன்மூலம் ஒருநாள் போட்டியில் 50 சதங்கள் என்ற புதிய உலக சாதனையை படைத்தார்.

அதோடு 11 போட்டிகளில் விளையாடி 765 ரன்கள் குவித்து, ஒரே தொடரில் தனி ஒரு வீரர் அடித்த அதிக ரன்கள் என்ற புதிய சாதனையையும் படைத்தார்.