ஐபிஎல்லில் 200 விக்கெட்டுகளை வீழ்த்திய முதல் பந்து வீச்சாளர் என்ற பெருமையை பெற்றுள்ளார் யுஸ்வேந்திர சாஹல்.
ராஜஸ்தான் அணிக்காக விளையாடி வரும் சாஹல் முகமது நபியை அவுட் செய்ததன் மூலம் 200வது விக்கெட்டை வீழ்த்தியுள்ளார்.
யுஸ்வேந்திர சாஹல் 2013 முதல் ஐபிஎல் விளையாடி வருகிறார். இதுவரை 153 போட்டிகளில் விளையாடியுள்ளார்.
ஐபிஎல்லில் 21.60 சராசரியில் 200 விக்கெட்டுகளை வீழ்த்தியுள்ளார் யுஸ்வேந்திர சாஹல்.
சர்வதேச டி20 போட்டிகளில் இந்திய அணிக்காக அதிக விக்கெட் வீழ்த்திய வீரர் என்ற பெருமையையும் யுஸ்வேந்திர சாஹல் பெற்றுள்ளார்.
இருப்பினும், யுஸ்வேந்திர சாஹல் டி20 உலகக் கோப்பையில் இதுவரை இடம் பெறவில்லை.
2022ல் டி20 உலகக் கோப்பைக்கான இந்திய அணியிலும் சேர்க்கப்பட்டார், ஆனால் விளையாடும் 11ல் இடம் பெறவில்லை.
80 சர்வதேச டி20 போட்டிகளில் 96 விக்கெட்டுகளை வீழ்த்தியுள்ளார் யுஸ்வேந்திர சாஹல். இந்தப் பட்டியலில் இரண்டாவது இந்திய வீரர் புவனேஷ்வர் குமார் 90 விக்கெட்டுகளை வீழ்த்தியுள்ளார்.
ஜூன் மாதம் நடைபெற உள்ள டி20 உலகக் கோப்பையில் விளையாடும் வாய்ப்பு யுஜிக்கு கிடைக்குமா இல்லையா என்பதை பொறுத்திருந்து தான் பார்க்க வேண்டும்.