ஸ்டெர்லைட் துப்பாக்கிச்சூடு நடைபெற்றது எப்படி?

தூத்துக்குடியில் ஸ்டெர்லைட் ஆலைக்கு மக்கள் தொடர்ச்சியாக போராட்டம் நடத்தினர்.

2018 ஆம் ஆண்டு நடந்த இந்த போராட்டத்தின்போது அதிமுக ஆட்சியில் இருந்தது. முதலமைச்சராக எடப்பாடி பழனிசாமி இருந்தார்.

அந்த ஆண்டு மே 22-ம் தேதி மாவட்ட ஆட்சியர் அலுவலகம் முற்றுகை போராட்டம் போராடிய மக்களால் முன்கூட்டியே அறிவிக்கப்பட்டிருந்தது.

இதனையொட்டி மக்கள் தன்னெழுச்சியாக தூத்துக்குடி மாவட்ட ஆட்சியர் அலுவலகம் நோக்கி சென்றனர்.

அப்போது, போராட்டம் திடீரென வன்முறையாக மாற, காவல்துறை துப்பாக்கிச்சூடு நடத்தியது

இந்த துப்பாக்கிச்சூட்டில் சுமார் 13 பேர் காவல்துறையினரால் கொல்லப்பட்டனர்.

தமிழ்நாட்டையே உலுக்கிய இந்த சம்பவத்துக்குப் பிறகு ஸ்டெர்லைட் ஆலை மூடப்பட்டது.

இது தொடர்பாக தொடரப்பட்ட வழக்கில் அந்த ஆலையை மூடியது சரியே என உயர் நீதிமன்றம் தெரிவித்தது.

உச்சநீதிமன்றத்தில் மேல் முறையீடு செய்யப்பட்ட நிலையில், தமிழ்நாடு அரசு, ஸ்டெர்லைட் ஆலைக்கு எதிராக வாதிட்டது.

இதனால் சென்னை உயர்நீதிமன்றத்தின் தீர்ப்பை உச்சநீதிமன்றம் உறுதி செய்திருக்கிறது. முதலமைச்சர் முக ஸ்டாலின் இதற்கு வரவேற்பு தெரிவித்துள்ளார்.