மைலேஜ் கொடுத்தால் தான் அந்த கார் உபயோகப்படுத்துதற்கு சிறந்தது.
ஒருவேளை கார் மைலேஜ் கொடுக்கவில்லை என்றால் உங்களுக்கு நிதி சிக்கலும் கூடவே எழ வாய்ப்புள்ளது.
காருக்கு பராமரிப்பு செலவு, பெட்ரோல் டீசலுக்கு எல்லாம் அதிகம் செலவிட வேண்டியிருக்கும்.
இதனை கருத்தில் கொண்டீர்கள் என்றால், ஒரு காருக்கு மைலேஜ் அதிகம் கிடைக்க என்ன செய்ய வேண்டும்? என்பதை தெரிந்து கொள்ளுங்கள்
எப்போதும் குறைவான அளவு Accelerator பயன்படுத்தி கார்களை ஓட்டுங்கள். நமது கால் நுனியில் அதிகப்படியாக accelerator மிதிக்கமல் சீரான வேகத்தில் காரை இயக்கினால் போதும்.
காரை சீரான வேகத்தில் இயக்குவதால் என்ஜின் அதிகப்படியான strain எதுவும் இல்லாமல் நிதானமாக இயங்கும். முக்கியமாக டிராஃபிக் சமயங்களில் உங்களுக்கு வேண்டிய மைலேஜ் கார்களில் இருந்து கிடைக்கும்.
எப்போதும் கார்களை சரியான நேரத்தில் பராமரிப்பதால் உங்களுக்கு வேண்டிய மைலேஜ் குறையாமல் கிடைக்கும்.
கார்கள் வைத்திருக்கும் பலர் மறக்கும் முக்கியமான விஷயம் டயர்களின் காற்று அளவு. குறைவான காற்று இருப்பதால் கார்களின் மைலேஜ் பெரிய அளவு குறையும். வாரம் ஒருமுறை கார்களின் டயர் காற்று அளவை சரிபார்த்துக்கொள்ளுங்கள்.
பெட்ரோல் அல்லது டீசல் கார் எதுவாக இருந்தாலும் தரமான எரிபொருள் பயன்படுத்தினால் அதிக மைலேஜ் கிடைக்கும். சில எரிபொருள் நிலையங்களில் தரமற்ற எரிபொருள் விநோயோகம் செய்கிறார்கள். அதனை பயன்படுத்த வேண்டாம்.