மனித குலத்தை அழிக்குமா ஓபன் AI?

செயற்கை நுண்ணறிவு (artificial intelligence) மனிதகுலத்திற்கு அச்சுறுத்தலாக மாறப்போகிறது என்ற பகீர் தகவல்கள் வெளியாகி கொண்டிருக்கின்றன

உண்மையிலேயே, ஏஐ தொழில்நுட்பத்தின் (ai technology) வளர்ச்சி மனிதகுலத்தின் அழிவிற்கு வழிவகுக்குமா என்ற கேள்வி மக்கள் மத்தியில் எழுந்துள்ளது.

இதுகுறித்து சமீபத்தில் தங்கள் பதவிகளில் இருந்து ராஜினாமா செய்த ஓபன்ஏஐ ஊழியர்கள் பேசும்போது, "மனிதகுலத்தை அச்சுறுத்தக்கூடிய சக்திவாய்ந்த செயற்கை நுண்ணறிவு என எச்சரித்தனர்

OpenAI பல்வேறு செயற்கை நுண்ணறிவு மாதிரிகளில் செயல்படுகிறது. இவற்றில் மிகவும் புதிய வெர்ஷன் என்றால் அது GPT-3.5 மற்றும் GPT-4 தான்.

ஆனால், நிறுவனம் Q என்று பெயரிட்டுள்ள மற்றொரு AI மாடலில் சத்தமில்லாமல் ரகசியமாக பணிபுரிந்து வருகிறது.

Q என்ற இந்த செயற்கை நுண்ணறிவு நாம் இதுவரை பயன்படுத்திய ChatGPT அல்லது பிராட் (Bard) போன்ற வழக்கமான AI இல்லை

தகவலின் படி, இந்த Q என்பது சயின்ஸ் பிக்ஷன் படங்களில் இருந்து வெளியே வரும் தொழில்நுட்பம் போன்றது, மிகவும் சிக்கலான பணிகளைச் எளிமையாக செய்யும் திறன் கொண்டது.

சில பணியாளர்கள் Q என்பது ஆபத்தான அறிவார்ந்த மட்டத்தில் மேம்பட்ட தொழில்நுட்பத்தை பிரதிபலிக்கிறது என்று நம்புகிறார்கள்.

அவர்களின் கூற்றுப்படி, இந்த AI மிகவும் புத்திசாலித்தனமாக மாறக்கூடும் என்று கூறப்படுகிறது.

அத்துடன் நின்றுவிடாமல் மனிதர்களுக்கு தீங்கு விளைவிக்கும் திறனை இது வளர்த்துக்கொள்ள கூடிய ஆபத்தாக பார்க்கப்படுகிறது.

உண்மையில், சில ஊழியர்கள் இந்த கண்டுபிடிப்பு மற்றும் தலைமை நிர்வாக அதிகாரியின் நடத்தை குறித்து மிகவும் கவலையடைந்துள்ளனர்.

இதனால், ஊழியர்கள் இந்த விஷயத்தை இயக்குநர்கள் குழுவின் கவனத்திற்கு கொண்டு வந்தனர்.

Q இன் சரியான செயல்பாடுகள் மற்றும் அது ஏன் இவ்வளவு பயத்தைத் தூண்டுகிறது என்பது குறித்த தெளிவான தகவல் இன்னும் எதுவும் வெளியாகவில்லை.

இருப்பினும், என்றாவது ஒரு நாள் நிச்சயம் ஏஐ திரைப்படங்களில் வருவது போன்ற பேரழிவுகளை யதார்த்தமாக நாம் பார்க்கவும் வாய்ப்புள்ளது என கூறுகிறார்கள்