కూటమి బ్రహ్మాండమైన మెజార్టీతో చంద్రబాబు నాయుడు అధికారంలోకి వస్తున్నారు.
గన్నవరం ఎయిర్‌పోర్టు సమీపంలోని కేసరపల్లి ఐటీ పార్క్‌లో ప్రమాణస్వీకారం చేస్తున్నారు.
ఈ వేడుకకు ప్రధానమంత్రి నరేంద్ర మోదీ, కేంద్ర మంత్రులు, వివిధ రాష్ట్రాల ముఖ్యమంత్రులు, వివిధ ప్రముఖులు హాజరుకానున్నారు.
ముఖ్యమంత్రిగా చంద్రబాబు సంతకం చేయనున్నారు. తొలి సంతకం మెగా డీఎస్సీపై చేస్తారనే చర్చ జరుగుతోంది.
అయితే ఆయన ముఖ్యమంత్రిగా సంతకం చేసే పెన్నుకు ప్రత్యేకత ఉంది.
ఎన్నికల ప్రచారంలో జగ్గంపేటలో పర్యటిస్తున్న సమయంలో చంద్రబాబును ఓ యువతి కలిసింది.
ఈ సందర్భంగా ఓ పెన్ను చంద్రబాబుకు బహుమతిగా ఇచ్చింది.
ముఖ్యమంత్రి అయ్యాక ఈ పెన్నుతో మెగా డీఎస్సీ ఫైల్‌పై సంతకం చేయాలని ఆ యువతి కోరింది.
ఆమె కోరిక మేరకు ఆ పెన్నుతోనే చంద్రబాబు తొలి సంతకం చేయనున్నారు.