మెహ్రీన్ కౌర్ మోడలింగ్ ఫీల్డ్ నుంచి సినీ ఇండస్ట్రీలో అడుగుపెట్టింది.
తెలుగులో నాని హీరోగా హను రాఘవపూడి దర్శకత్వంలో తెరకెక్కిన 'కృష్ణగాడి వీరప్రేమగాథ' సినిమాతో వెండితెరకు పరిచయమైంది.
ఫస్ట్ మూవీతోనే మంచి విజయం అందుకున్న కథానాయికల్లో మెహ్రీన్ కౌర్ ఒకరు.
ఆ తర్వాత ఈమెకు వరుస అవకాశాలు రావడం మొదలయ్యాయి.
అనిల్ రావిపూడి దర్శకత్వంలో రవితేజ హీరోగా నటించిన 'రాజా ది గ్రేట్' మూవీతో వరుసగా రెండో సక్సెస్‌ను తన ఖాతాలో వేసుకుంది.
ఆ తర్వాత వెంకటేష్, వరుణ్ తేజ్ హీరోలుగా నటించిన 'F2' మూవీలో హనీ ఈజ్ ది బెస్ట్ అంటూ మెహ్రీన్ చేసిన అల్లరిని ప్రేక్షకులు మరిచిపోలేదు.
అప్పట్లో హర్యాణ మాజీ సీఎం మనవడితో ఎంగేజ్మెంట్ చేసుకొని వార్తల్లో నిలిచింది.
ఆ తర్వాత అది పెళ్లి వరకు వెళ్లకుండానే ఆగిపోయింది. ఇక ఎఫ్ 2 మూవీకి సీక్వెల్‌గా తెరకెక్కిన 'ఎఫ్ 3' మూవీ బాక్సాఫీస్ దగ్గర మంచి విజయం సాధించింది.
ఎఫ్ 3 సక్సెస్ అయినా.. అమ్మడికి మాత్రం పెద్దగా ఒరిగిందేమి లేదు. అందుకే సరైన బ్రేక్ కోసం ఎదురు చూస్తోంది మెహ్రీన్.