పూరీలు అంటే తెగ ఇష్టపడుతుంటారు చాలామంది. అలాంటి పూరీలు మరింత రుచిగా కావాలి అంటే ఈ పెసరపప్పు పూరీలను ఒకసారి ట్రై చేసి చూడండి.
ఈ పూరీలు తయారు చేసుకోవడం కోసం ముందుగా అరకప్పు పెసర పప్పును రెండు గంటల పాటూ నానబెట్టుకోవాలి.
తరువాత ఆ పెసరపప్పుతో పాటు అర స్పూన్ జీలకర్ర, ఒక స్పూన్ అల్లం తరుగు వేసి మిక్సీలో మెత్తగా రుబ్బుకోవాలి.
ఒక గిన్నెలో ఒక కప్పు గోధుమ పిండి, ఒక స్పూన్ మిరియాలు పొడి అలానే రుచికి తగినంత ఉప్పు తీసుకొని నీరు వేయాలి.
ఇప్పుడు ముందుగా రుబ్బుకున్న పెసరపప్పు మిశ్రమాన్ని కూడా ఇందులో వేసి బాగా కలుపుకోవాలి.
ఈ మొత్తం మిశ్రమాన్ని పూరీ పిండిలా కలుపుకొని పావుగంటసేపు గిన్నెలో వేసి మూత పెట్టి వదిలేయాలి
స్టవ్ మీద కళాయి పెట్టి.. పూరీలకు సరిపడా నూనె వేసుకోవాలి.
మనం ముందుగా కలిపి పెట్టుకున్న పిండిని పూరీల్లా రుద్దుకొని ఆ నూనెలో వేయండి.
రెండు వైపులా పూరీలను కాల్చుకున్నాక తీసుకుని టిష్యూ పేపర్ మీద వేస్తే నూనె పీల్చుకుంటుంది.
అంతే ఎంతో రుచికరమైన పెసరపప్పు పూరీ రెడీ..