రాగి పిండి మన శరీరానికి ఎంతో మంచిది. మరి అలాంటి రాగి పిండితో ఎంతో రుచికరమైన రాగి లడ్డు ఎలా చేసుకోవాలో చూద్దాం..
ముందుగా స్టవ్ పైన కళాయి పెట్టి అందులో రెండు స్పూన్ల నెయ్యి వేయాలి.
ఆ నెయ్యిలో కొద్దిగా జీడిపప్పులు, బాదం పప్పులు వేసి బంగారు రంగు వచ్చేవరకు వేయించుకోండి.
ఇక ఆ నెయ్యిలోనే ఒక కప్పు రాగి పిండిని వేసి దోరగా వేయించుకొని అదే పిండిలో.. అర కప్పు బెల్లం తురుము కూడా వేయించుకోండి.
మళ్లీ అందులోనే కొద్దిగా యాలకుల పొడి, పావు కప్పు ఎండు కొబ్బరి తురుము వేసి వేయించుకోవాలి.
ఇప్పుడు మరగ కాచిన.. పాలను పోసి.. ఒకసారి కలుపుకోవాలి.
ఈ మిశ్రమాన్ని చిన్న మంట పైన ఉంచి.. కలుపుతూ ఉండాలి.
ఈ మిశ్రమం ఒక మూడు నాలుగు నిమిషాల తరువాత… దగ్గరయ్యాక.. స్టవ్ కట్టేయాలి.
వేడి తగ్గాక ఈ మిశ్రమాన్ని లడ్డూల్లా చుట్టుకోవాలి. వీటిని గాలి చొరబడని డబ్బాల్లో వేసి ఉంచుకుంటే.. పది రోజులపాటు తాజాగా ఉంటాయి.