డయాబెటిక్ పేషెంట్స్ తమ ఆహారం గురించి శ్రద్ధ వహించడం చాలా అవసరం. మరి అలాంటి షుగర్ పేషెంట్స్ కి ఎంతో మంచిదైన జోవర్ దోశ అనగా జొన్న దోశ ఎలా చేసుకోవాలో ఒకసారి చూద్దాం.
ఒక గిన్నెలో అరకప్పు జొన్నపిండిని తీసుకొని ఉండలు కట్టకుండా నీళ్ళు పోసుకుంటూ కలుపుకోండి
అందులోనే పావు కప్పు బియ్యప్పిండిని కూడా వేసి బాగా కలపాలి.
ఇప్పుడు అవసరమైనన్ని నీళ్లు పోసుకుని పిండి దోశలు వేయడానికి సరిపడా పలుచగా అయ్యేటట్టు చేసి పక్కన పెట్టుకోండి
ఒక అరగంట అయ్యాక ఆ పిండిలో ఒక తరిగిన ఉల్లిపాయ, సన్నగా తరిగిన రెండు పచ్చిమిర్చి, కొంచెం కొత్తిమీర, రుచికి సరిపడా ఉప్పు, జీలకర్ర, కరివేపాకు తరుగు వేసి బాగా కలుపుకోవాలి.
ఇవన్నీ కలిపాక కాసేపు పిండిని పక్కన పెట్టుకోండి.
ఇప్పుడు స్టవ్ మీద పెనాన్ని పెట్టి నూనె వేయాలి.
నూనె వేడెక్కాక.. మనం చేసి పెట్టుకున్న పిండిని దోశలాగా పలచగా వేసుకోవాలి.
రవ్వ దోశలు ఎలా వేస్తారో అలా పలుచగా వేసుకుంటే.. జొన్న దోశలు చాలా క్రిస్పీగా వస్తాయి.
రెండు వైపులా బాగా కాల్చుకోండి. అంతే షుగర్ పేషెంట్స్ కి ఎంతో మంచిదైనా జొన్న దోశ రెడీ.