మన శరీరానికి ప్రోటీన్లు అత్యంత అవసరమైనవి. ప్రోటీన్ల వల్ల మన శరీర నిర్మాణం జరుగుతుంది తద్వారా కండరాలు బలంగా ఉంటాయి. ప్రోటీన్ ల కోసం అనేక ఆహార పదార్థాలను తీసుకోవాల్సి ఉంటుంది.
కోడిగుడ్లు మాంసాహారం పప్పు దినుసులు పాల ఉత్పత్తుల్లో ప్రోటీన్లు పుష్కలంగా ఉంటాయి.
ప్రస్తుతం కోడిగుడ్లు పనీర్ ఈ రెండిట్లో ఎందులో ప్రోటీన్లు అధికంగా ఉంటాయి. ఏది ఆరోగ్యానికి మంచిదో తెలుసుకుందాం.
పాల నుంచి తయారుచేసే పనీర్లో ప్రోటీన్లు పెద్ద మొత్తంలో ఉంటాయి. 100 గ్రాముల పనీర్ లో 20 గ్రాముల ప్రోటీన్ లభిస్తుంది. అలాగే ఇందులో 200 మిల్లీగ్రాముల క్యాల్షియం ఉంటుంది.
పనీర్ ప్రోటీన్ పొందేందుకు మంచి ఎంపిక అని చెప్పవచ్చు. శాకాహారులు ఎవరైతే మాంసాహారం తినరో వారికి పనీర్ ప్రోటీన్ పొందేందుకు చక్కటి ఆహారం.
పనీర్ లో విటమిన్ బి12 ఫాస్ఫరస్ పుష్కలంగా ఉంటాయి. ఇవి మీ శరీరంలో అనేక జీవక్రియలకు ఉపయోగపడతాయి.
ఇక కోడిగుడ్డు ప్రోటీన్ కి పుష్కలమైన సోర్స్ అని చెప్పవచ్చు. 100 గ్రాముల కోడిగుడ్డులో దాదాపు 25 గ్రాముల ప్రోటీన్ లభిస్తుంది. అలాగే విటమిన్ డి విటమిన్ బి12 పుష్కలంగా ఉంటాయి.
కోడి గుడ్డులోని మధ్యలో ఉన్న పచ్చసోనభాగం కొవ్వుతో నిండి ఉంటుంది. అయితే ఈ కొవ్వు శరీర నిర్మాణానికి ఎంతో అవసరం.
కోడిగుడ్డులో తెల్ల సున్నభాగంలో స్వచ్ఛమైన ప్రోటీన్ లభిస్తుంది. ఇది శరీరానికి అత్యంత అవసరమైనది అందుకే కోడి గుడ్డులోని తెల్లభాగాన్ని తినమని డాక్టర్లు చెబుతుంటారు.
కోడిగుడ్డులో ఉండే ప్రోటీన్ ముఖ్యంగా పిల్లల్లో శరీరంలోని కండరాల పెరుగుదలకు ఎంతో అత్యవసరమని వైద్యునిపుణులు చెప్తున్నారు