థైరాయిడ్ సమస్యలకు మందులు తప్ప ఇతర చికిత్స లేదు. థైరాయిడ్ హార్మోన్ స్రావం, పనితీరు మందుల ద్వారా తగ్గుతుంది.
మందులే కాదు జీవనశైలిలో మార్పులు చేసుకుంటే థైరాయిడ్ సమస్యను తగ్గించుకోవచ్చు. థైరాయిడ్ రోగులు ప్రతిరోజూ తినాల్సిన పండ్ల గురించి తెలుసుకుందాం.
థైరాయిడ్ సమస్యను తగ్గించడంలో యాంటీ ఆక్సిడెంట్లు ప్రత్యేక పాత్ర పోషిస్తాయి. బ్లూబెర్రీస్, స్ట్రాబెర్రీస్, క్రాన్బెర్రీస్ వంటి పండ్లలో యాంటీ ఆక్సిడెంట్లు ఉంటాయి. ఇవి తింటే థైరాయిడ్ అదుపులో ఉంటుంది.
యాపిల్స్ మినరల్స్, విటమిన్లు, ఫైబర్ పుష్కలంగా ఉంటుంది. యాపిల్ థైరాయిడ్ గ్రంథిని ఫ్రీరాడికల్స్ నుంచి రక్షణ కల్పిస్తుంది.
అవకాడోలో పోషకాలు పుష్కలంగా ఉన్నాయి.థైరాయడ్ ఆరోగ్యాన్ని కాపాడుకోవడానికి అవకాడోలు డైట్లో చేర్చుకోవాలి.
పైనాపిల్ థైరాయిడ్ లక్షణాలను తగ్గించడంలో సహాయపడుతుంది. ఉదయం ఖాళీ కడుపుతో పైనాపిల్ తినవచ్చు.
ఆరెంజ్ లో విటమిన్ సి ఎక్కువగా ఉంటుంది. హైపోథైరాయిడిజంతో బాధపడేవారు ఆరెంజ్ తినాలని వైద్యులు సూచిస్తున్నారు.
అరటిపండ్లు అన్ని సీజన్లలోనూ అందుబాటులో ఉంటాయి. ఇందులో సెలీనియం ఉంటుంది. ఇది థైరాయిడ్ గ్రంథి పనితీరును మెరుగుపరుస్తుంది. రోజుకో రెండు అరటిపండ్లు తింటే రోజంతా శక్తిని ఇస్తుంది.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి