వేసవి తాపాన్ని తీర్చడానికి పెరుగు ఎంతో ఉపయోగపడుతుంది. మన శరీరాన్ని డిహైడ్రేట్ అవ్వకుండా చేస్తుంది.
పెరుగన్నం మాత్రమే కాక పెరుగుతో కొన్ని టేస్టీ వేసవి పానీయాలు కూడా చేసుకుని తాగితే ఆరోగ్యానికి కూడా మంచిది.
పెరుగుని బాగా గిల కొట్టి, చిటికెడు యాలుకల పొడి, ఒక స్పూన్ పంచదార, కొంచెం కుంకుమపువ్వు వేసి బాగా కలుపుకుంటే లస్సీ రెడీ అయిపోతుంది.
పెరుగు ను బాగా గెలకొట్టి నీళ్లు పోసుకుని మజ్జిగలా చేసుకోవాలి. అందులో కొంచెం ఉప్పు, వేయించిన జీలకర్ర పొడి, తరిగిన పుదీనా ఆకులు వేసి కలుపుకొని పుదీనా మజ్జిగ చేసుకోవచ్చు.
కప్పు పెరుగులో తేనె లేదా బెల్లం తురుము వేసి అరటి పండ్లు, పైనాపిల్ ముక్కలు, బెర్రీ పండ్లు వేసి బ్లెండ్ చేసి స్మూతీలాగా హయిగా తాగొచ్చు.
కప్పు పెరుగులో మామిడికాయ గుజ్జు వేసి, మరిగించిన పాలు కొన్ని పోసి, కొంచెం యాలుకల పొడి, తగినంత పంచదార కూడా వేసుకుని బ్లెండ్ చేసుకుంటే టేస్టీ మాంగో లస్సీ రెడీ.
కప్పు పెరుగులో పుచ్చకాయ ముక్కలు వేసి బ్లెండ్ చేసుకోవాలి. దాని పైన కొంచెం చియా గింజలను కూడా చల్లి ఫ్రిజ్ లో పెట్టుకుని చల్లగా అయ్యాక తాగచ్చు.