టీవీ సీరియల్ రామాయణంలో రాముడి పాత్ర ద్వారా గుర్తింపు పొందిన అరుణ్ గోవిల్ 2024 లోక్ సభ ఎన్నికల్లో యూపీలోని మీరట్ నుంచి బీజేపీ నుంచి బరిలోకి దిగబోతున్నాడు.
బాలీవుడ్ సీనియర్ హీరో గోవిందా.. రీసెంట్ గా ఏకనాథ్ షిండే నేతృత్వంలోని శివసేన పార్టీలో చేరాడు. అతడు నార్త్ వెస్ట్ ముంబై నుంచి లోక్‌సభ ఎన్నికల్లో పోటీ చేయనున్నాడు.
బీజేపీ నుంచి హేమ మాలిని తన నియోజకవర్గం మధుర నుంచి లోక్‌సభ ఎన్నికల్లో మూడోసారి పోటీ చేసేందుకు రెడీ అయింది.
బాలీవుడ్ నటి కంగనా రనౌత్ హిమాచల్ ప్రదేశ్‌లోని మండి నుంచి బీజేపీ అభ్యర్థిగా బరిలోకి దిగబోతున్నారు.
భోజ్‌పురి నటుడు రవి కిషన్‌ వచ్చే లోక్‌సభ ఎన్నికల్లో గోరఖ్‌పూర్ నియోజకవర్గం నుంచి బీజేపీ నుంచి పోటీ చేయనున్నారు.
నటుడు శత్రుఘ్న సిన్హా పశ్చిమ బెంగాల్‌లోని అసన్‌సోల్ లోక్‌సభ స్థానం నుంచి తృణమూల్ కాంగ్రెస్ పార్టీ అభ్యర్థిగా పోటీ చేయనున్నారు.
మలయాళ నటుడు, బీజేపీ అభ్యర్థి సురేష్ గోపీ కేరళలోని త్రిసూర్ నియోజకవర్గం నుంచి పోటీ చేయనున్నారు.
పశ్చిమ బెంగాల్‌లోని బహరంపూర్ లోక్‌సభ స్థానం నుంచి టీఎంసీ అభ్యర్థిగా మాజీ క్రికెటర్ యూసుఫ్ పఠాన్ పోటీ చేసేందుకు సిద్ధమయ్యారు.