పిల్లల కోసం క్యారెట్‌ పూరీలు.. ఎప్పుడైనా తిన్నారా?

పిల్లలకు క్యారెట్‌ పూరీలను ఆహారంగా ఇవ్వడం వల్ల మంచి ఫలితాలు పొందుతారు.

అలాగే క్యారెట్‌లో ఉండే పోషకాలు కూడా పూరీ రూపంలో పిల్లలకు అందుతాయి.

మీరు కూడా సులభంగా ఇంట్లోనే క్యారెట్‌ పూరీని తయారు చేసుకోవాలనుకుంటున్నారా? ఇది మీ కోసమే..

క్యారెట్ పూరీ తయారీకి కావాల్సిన పదార్థాలు: 2 కప్పులు గోధుమ పిండి, అర కప్పు క్యారెట్ తురుము, తగినంత ఉప్పు

కావాల్సిన పదార్థాలు: 2 టీస్పూన్ జీలకర్ర, 2 టేబుల్ స్పూన్ నెయ్యి, 2 పచ్చిమిర్చి, తగినంత నూనె

తయారీ విధానం: ఒక గిన్నెలో గోధుమ పిండి, ఉప్పు, జీలకర్ర, క్యారెట్ తురుము, పచ్చిమిర్చి తురుము, నెయ్యి వేసి బాగా కలపాలి.

కొద్ది కొద్దిగా నీళ్ళు పోస్తూ, పిండిని పూరీల మిశ్రమంలా కలుపుకోవాల్సి ఉంటుంది.

పిండిని 10 నిమిషాలు పాటు నూనె రాసి, గుడ్డతో కప్పి నానబెట్టాల్సి ఉంటుంది.

తర్వాత చిన్న చిన్న ఉండలుగా చేసుకొని, వాటిని రౌండ్‌ షేప్‌ పూరీల్లా ఒత్తు కోవాల్సి ఉంటుంది.

వేడి నూనెలో పూరీలు వేసి, బంగారు గోధుమ రంగు వచ్చే వరకు వేయించాలి.

వేడి వేడిగా పూరీలను మీకు ఇష్టమైన కూరతో కలిసి సర్వ్ చేయండి.