మనలో చాలా మంది కడుపు ఉబ్బరం సమస్యతో బాధపడుతుంటారు. మనం ఆహారం తింటున్న సమయంలో గాలి జీర్ణవ్యవస్థ పొడవునా పెరిస్టాలిటిక్ చలనం రూపంలో వెళ్తుంది.
కడుపులోకి వెళ్లిన గాలి తేన్పుల రూపంలో బయటకు వస్తుంది. పైకి రాక కిందికిపోక పేగులు, జీర్ణాశయంలో చిక్కుకుపోయి పొట్ట రాయిలాగా, కడుపు ఉబ్బరంగా ఉంటుంది.
ఈ సమస్యను పట్టించుకోకపోతే దీర్ఘకాలంలో బలబద్దకం, హైపర్ ఎసిడిటీతోపాటు మరికొన్ని అనారోగ్య సమస్యలకు దారి తీసే ప్రమాదం ఉంటుంది.
మీరు ఆహార నియామాలతోపాటు జీవనశైలిలో మార్పులు చేసుకుంటే ఈ సమస్య నుంచి బయటపడవచ్చు. అయితే మందారపువ్వులతో తయారు చేసిన హెర్బల్ టీ తాగితే ఎలాంటి ప్రయోజనం ఉంటుందో చూద్దాం.
మందార పువ్వులతో తయారు చేసిన టీ కడుపులో ఉబ్బరాన్ని తగ్గిస్తుంది. అంతేకాదు అల్సర్ వంటి రోగాలను కూడా నయం చేస్తుంది.
మందారపువ్వులో ఉండే తేలికపాటి ఆమ్లాలు భేదిమందుగా పనిచేసి జీర్ణక్రియకు సహాయపడుతాయి. గుండెల్లో మంట, కడుపు తిమ్మిరి, గ్యాస్ట్రోఎంటెరిటిస్, గ్యాస్ ను కూడా తగ్గిస్తుంది.
మందార టీ రక్తపోటును కూడా తగ్గిస్తుంది. రక్తంలో చక్కెరను కూడా కంట్రోల్ చేస్తుంది. శరీరంలో కొలెస్ట్రాల్ ను కరిగిస్తుంది. కిడ్నీల పనితీరును మెరుగుపరుస్తుంది.
మందారపువ్వులో మినరల్స్, పాలీఫెనాల్స్, ఐరన్, విటమిన్ సి, యాంటీ ఆక్సిడెంట్లు అధికంగా ఉంటాయి. భోజనం చేసిన తర్వాత వేడి వేడి మందార హెర్బల్ టీ తాగితే జీర్ణక్రియ సరిగ్గా జరుగుతుంది. అందులో అల్లం, నిమ్మకాయను కూడా జోడించుకోవచ్చు.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి.