ఘీ రోస్ట్ దోశ ఫేమస్ సౌతిండియన్ టిఫిన్. ఈ దోశను నెయ్యితో తయారు చేస్తారు. క్రిస్పిగా ఉంటుంది. ఫేమస్ దోశల్లో ఇది ఒకటి. దీన్ని ఎలా తయారు చేయాలో చూద్దాం.
3 కప్పులు బియ్యం, 1/2టీస్పూన్ మెంతులు, 1 కప్పు మినపప్పు, 2 కప్పుల అన్నం, రుచికి సరిపడా ఉప్పు, అవసరాన్నిబట్టి నెయ్యి
బియ్యం, మెంతులు కలిపి 5 గంటలపాటు నానబెట్టాలి.మినపప్పును 3 గంటల పాటు నానబెట్టాలి.
మినపప్పు, బియ్యం నానిన తర్వాత రెండింటిని పేస్టు చేసుకోవాలి. అందులో అన్నం వేసి గ్రైండ్ చేసుకోవాలి.
ఈ పిండిని రాత్రంతా పులియబెట్టాలి. పిండిపులిసిన తర్వాత అందులో ఉప్పు వేసుకోవాలి.
ఇప్పుడు స్టౌ మీద దోశ ప్యాన్ పెట్టి కొద్దిగా వేడి అయిన తర్వాత నెయ్యి వేసుకోవాలి.
కొద్దిగా వేడెయ్యాక పిండిని వేసి రౌండ్ గా దోశ వేసుకోవాలి. సన్నగా వేసుకోవాలి.
ఇప్పుడు దోశ మీద నెయ్యి రాసి బంగారు వర్ణంలోకి వచ్చేంత వరకు కాల్చాలి. కొంచెం కారం కావాలనుకుంటే దానిపై ఎండు కారం పొడిని చల్లుకోవచ్చు.
దోశ బాగా కాలిన తర్వాత ఒక ప్లేటులోకి తీసుకుని కొబ్బరి చట్నీ కానీ టమోటా చట్నీ కానీ అల్లంతో కానీ సర్వ్ చేసుకుంటే రుచి అద్బుతంగా ఉంటుంది. నెయ్యి కూడా యాడ్ చేసుకోవచ్చు.