ముందుగా స్టవ్ మీద కళాయి పెట్టి అర గ్లాసు నీళ్లు వేసుకొని అందులో బాగా కడిగిన నాలుగు కట్టల గోంగూరను వేసి ఉడకబెట్టాలి.
గోంగూర మిశ్రమం ఇగురులాగా..దగ్గరగా వచ్చే వరకు ఉడకబెట్టుకొని ఆ తరువాత స్టవ్ మీద నుంచి పక్కకు తీసి చల్లార్చాలి.
ఇప్పుడు స్టవ్ మీద కళాయి పెట్టి నెయ్యి వేసి అందులో తరిగిన రెండు ఉల్లిపాయ తరుగు, 5 పచ్చిమిర్చి, 4 యాలకులు, జీడిపప్పు, దాల్చిన చెక్క, జీలకర్ర, లవంగాలు వేసి బంగారం రంగు వచ్చేవరకు వేయించుకోవాలి.
ఇప్పుడు వాటన్నిటినీ చల్లార్చుకొని మిక్సీ జార్లో మెత్తగా గ్రైండ్ చేసి పెట్టుకోవాలి. ఆ తర్వాత గోంగూరని కూడా వేసి మిక్సీలో గ్రైండ్ చేసుకోవాలి.
ఇప్పుడు స్టవ్ మీద మరో కళాయి పెట్టి నూనె వేసుకొని గుప్పెరు కరివేపాకులు వేయించుకొని ఆ తర్వాత ముందుగా పేస్ చేసి పెట్టుకున్న ఉల్లిపాయల మిశ్రమాన్ని అందులో వేయాలి.
బాగా వేగాక అల్లం వెల్లుల్లి పేస్ట్ ఆ తరువాత అందులో గోంగూర పేస్టు, పసుపు, నాలుగు స్పూన్ల కారం, రుచికి సరిపడా ఉప్పు.. వేసి ఇరుగులాగా అయ్యేవరకు కలుపుకోవాలి.
అందులోనే 100 గ్రాముల పనీర్ ముక్కలను వేసి చిన్న మంట మీద పావుగంట సేపు ఉడికించాలి. తర్వాత ఒక కప్పు నీళ్లు పోసి మళ్ళీ ఉడికించాలి. అంతే ఎంతో టేస్టీ పనీర్ గోంగూర రెడీ