తెల్ల జుట్టు, జుట్టు రాలడానికి రోజుల్లో ఇలా చెక్ పెట్టొచ్చు..

చాలామందిలో జుట్టు దృఢంగా లేకపోవడం కారణంగా అప్పుడప్పుడు ఊడిపోతూ ఉంటుంది. మరికొంతమందిలో తెల్ల జుట్టు వస్తూ ఉంటుంది.

ఆధునిక జీవన శైలి కారణంగా జుట్టు చాలా మందిలో నిర్జీవంగా మారుతుంది. అంతేకాకుండా బట్టతల కూడా వస్తోంది.

కొంతమందిలోనైతే అతి చిన్న వయసులోనే జుట్టు తెలుపు రంగులోకి మారిపోతోంది. అయితే మీరు కూడా ఇలాంటి సమస్యలతో బాధపడుతున్నారా?

కరివేపాకుతో తయారు చేసిన నూనెను జుట్టుకు అప్లై చేయడం వల్ల ఈ అన్ని రకాల సమస్యల నుంచి సులభంగా ఉపశమనం పొందవచ్చు.

మీరు కూడా ఈ నూనెను ఇంట్లోనే ఇలా సులభంగా తయారు చేసుకోండి.

కావలసిన పదార్థాలు: కరివేపాకు - 1 కప్పు, కొబ్బరి నూనె - 2 కప్పులు

తయారీ విధానం: ఒక పాత్రలో కరివేపాకు వేసి, బంగారు గోధుమ రంగు వచ్చేవరకు వేయించాలి. వేయించిన కరివేపాకును చల్లపరిచాల్సి ఉంటుంది .

ఒక జార్ లో కరివేపాకు, కొబ్బరి నూనె కలిపి, బాగా మూత పెట్టాలి.

ఈ మిశ్రమాన్ని 10 రోజులు సూర్యరశ్మిలో ఉంచాలి. 10 రోజుల తరువాత, నూనెను వడగట్టి, ఒక శుభ్రమైన సీసాలో నిల్వ చేయాలి.

ఇలా తయారు చేసుకున్న నూనె ను రెండు రోజులకు ఒకసారి జుట్టుకు అప్లై చేసి తల స్నానం చేస్తే అన్ని రకాల సమస్యలు దూరమవుతాయి.