గోధుమలతో చపాతీలు చేసుకుని తింటాము. గోధుమ పిండిలో అనేక ఆరోగ్య ప్రయోజనాలు ఉన్నాయి. అయితే మీరెప్పుడైనా మొలకెత్తిన గోధుమలను తిన్నారా. వీటిని తింటే కలిగే ఆరోగ్య ప్రయోజనాలు తెలిస్తే ఆశ్చర్యపోతారు.
మొలకెత్తిన గోధుమలను తింటే ఎముకలు బలంగా మారుతాయి. ఎందుకంటే వీటిలో కాల్షియం ఎక్కువగా ఉంటుంది.
మొలకెత్తిన గోధుమలను తింటే కాల్షియం, ఫాస్పరస్, మెగ్నీషియం, ఐరన్, జింక్ పుష్కలంగా లభిస్తాయి. అంతేకాదు ఇందులో అనేక రకాల పోషకాలు ఉంటాయి. జీర్ణక్రియకు ఎంతో మేలు చేస్తాయి.
మొలకెత్తిన గోధుమలను డైట్లో చేర్చుకుంటే కడుపు ఎక్కువ సమయం నిండుగా ఉంటుంది. అంతేకాదు వీటిని తరచుగా తింటే బరువు అదుపులో ఉంటుంది.
మొలకెత్తిన గోధుమల్లో పోషకాలు అధికమోతాదులో ఉంటాయి. దీంతో శరీర పనితీరు మెరుగ్గా ఉండటంతోపాటు శరీరానికి ఎంతో మేలు చేస్తాయి. ఇందులో విటమిన్లు, మినరల్స్, ఫైబర్ కూడా పుష్కలంగా ఉంటుంది.
ముందుగా గోధుమలను బాగా శుభ్రం చేయాలి. రాత్రి వీటిని నానబెట్టాలి. ఉదయం ఆ నీటిని మార్చి మరోసారి కడిగి ఓ గుడ్డలో క ానీ డబ్బాలో కానీ గాలిచొరబడకుండా చూసుకుని 12గంటలపాటు అలాగే వదిలేయాలి.
ఈ మొలకెత్తిన గోధుమ గింజలను ఉదయం పూట బ్రేక్ ఫాస్టులో తీసుకోవచ్చు. వీటిని సలాడ్ రూపంలో కూడా తీసుకోవచ్చు.
పచ్చిగా తినడం ఇష్టం లేనివారు వేయించి..చిటికెడు ఉప్పు చల్లుకుని కూడా తినవచ్చు.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా అనారోగ్య రుగ్మతలు ఉంటే వెంటనే వైద్యనిపుణుల సలహా తీసుకోండి.