రాగి పిండి ఆరోగ్యానికి ఎంతో మంచిది. మరి అలాంటి రాగి పిండితో చపాతీ.. సులువుగా ఎలా చేసుకోవాలో చూద్దాం..
ముందుగా స్టవ్ పైన కడాయి పెట్టుకొని.. అందులో ఒక కప్పు నీళ్లు, ఒక టీ స్పూన్ నూనె, 1/2 టీస్పూన్ ఉప్పు వేసి నీళ్లు బాగా మరిగించుకోవాలి.
నీళ్లు బాగా మరిగేటప్పుడు అందులో రాగుల పిండి వేసి బాగా కలపాలి.
అందులో పిండిని బాగా నానబెట్టండి. ఇలా చేస్తే.. ఆ వేడిలో పిండి బాగా ఉడికి చపాతీ మెత్తగా ఉంటుంది
ఆ తరువాత నానబెట్టిన రాగుల పిండిని మీ చేతులతో బాగా మెత్తగా చేయాలి. ఇప్పుడు ఈ పిండిని రోల్స్ చేసుకుంటూ చపాతీలా చేసుకోవాలి.
చపాతీ లాగా వీటిని రుద్దుకునేటప్పుడు.. పైన రాగుల పిండిని చల్లి చేయాలి.
ఇది చేస్తే రాగి పిండి చపాతీలు సులభంగా తయారు అవుతాయి.
ఇక చివరగా స్టవ్ పైన పెనం పెట్టి రాగి చపాతీని అందులో వేసి కాల్చాలి. తర్వాత చపాతీ తిప్పి కొంచెం నూనె రాసుకుని చేసుకోవాలి.
అంతే ఎంతో రుచికరమైన రాగి చపాతీ రెడీ