గుండె సమస్యలకు చెక్ పెట్టే పచ్చడి..

వెల్లుల్లిని పచ్చడిలా తయారు చేసుకొని తినడం వల్ల శరీరానికి అనేక రకాలు లాభాలు కలుగుతాయి.

వెల్లుల్లి పచ్చడిలో ఉండే కొన్ని మూలకాలు గుండెను ఆరోగ్యంగా చేసేందుకు ఎంతగానో సహాయపడతాయి.

అలాగే ఈ పచ్చడి శరీరంలోని బ్యాడ్ కొలెస్ట్రాల్ ను తగ్గించేందుకు కూడా కీలక పోషిస్తుంది.

అంతేకాకుండా ఇందులో ఉండే గుణాలు రక్తపోటును కూడా అదుపులో ఉంచుతాయని ఆరోగ్య నిపుణులు చెబుతున్నారు.

మీరు కూడా వెల్లుల్లి రెబ్బలతో తయారుచేసిన పచ్చడిని ఇంట్లోనే తయారు చేసుకోవాలనుకుంటున్నారా? ఇంకెందుకు ఆలస్యం ఇప్పుడే ట్రై చేయండి..

వెల్లుల్లి పచ్చడి కి కావలసిన పదార్థాలు: వెల్లుల్లి రెబ్బలు - 1 కప్పు, ఎండుమిరపకాయలు - 10 నుంచి 12, ఉప్పు - రుచికి సరిపోయినంత, నూనె - 1 టేబుల్ స్పూన్, కరివేపాకు - కొద్దిగా, ఆవాలు - 1/2 టీస్పూన్

తయారీ విధానం: వెల్లుల్లి రెబ్బలు, ఎండుమిరపకాయలు, ఉప్పును కలిపి మిక్సీలో రుబ్బుకోవాలి.

ఆ తర్వాత పాన్‌లో నూనె వేసి వేడి చేయాలి. అందులోనూ ఆవాలు వేసి వేయించుకోవాల్సి ఉంటుంది.

ఆవాలు బాగా వేగిన తర్వాత కరివేపాకు వేసి మరికొద్ది సేపు వేయించుకోవాలి.

ఇలా వేయించుకున్న తర్వాత గ్రైండర్లో రుబ్బి పెట్టుకున్న మిశ్రమాన్ని ఈ పోపులో వేసుకొని బాగా మిక్స్ చేసుకోవాలి.

ఇలా తయారు చేసుకున్న పచ్చడిని ఇడ్లీ లేదా చపాతీల్లో రోజు ఉదయం తీసుకోవడం వల్ల మంచి ఫలితాలు పొందుతారు.

ధిక రక్తపోటుతో బాధపడుతున్న వారు ఈ పచ్చడిలో ఉప్పు తక్కువగా వేసుకోవడం చాలా మంచిది.

దీర్ఘకాలిక వ్యాధులతో బాధపడుతున్న వారు ఈ పచ్చడిని వైద్యుల సూచనల మేరకే తీసుకోవాల్సి ఉంటుంది.