కాల్చిన మొక్కజొన్న కంకులు తింటే శరీరానికి కలిగే అద్భుత ప్రయోజనాలేంటో తెలుసుకుందాం.
కాల్చిన మొక్కజొన్న లో విటమిన్ బి కాంప్లెక్స్, బి కెరోటిన్ తోపాటు ఖనిజాలు పుష్కలంగా ఉన్నాయి.
కాల్చిన మొక్కజొన్న కంకులను వర్షాకాలంలో తింటే రోగనిరోధక శక్తిని పెంచుతుంది. ఇందులోని యాంటీ ఆక్సిడెంట్, విటమిన్ సి శరీరానికి కావాల్సిన ఇమ్యూనిటీ ఇస్తుంది.
మొక్కజొన్నలో మంచి మొత్తంలో ఫైబర్ ఉంటుంది. ఇది జీర్ణవ్యవస్థను ఆరోగ్యంగా ఉంచుతుంది.
మొక్కజొన్న తింటే అజీర్తి, మలబద్ధకం, గ్యాస్ వంటి సమస్యల నుంచి ఉపశమనం లభిస్తుంది. వర్షాకాలంలో వచ్చే జీర్ణ రుగ్మతలకు చెక్ పెడుతుంది.
మొక్కజొన్న గుండెపోటు ప్రమాదాన్ని తగ్గిస్తుంది. వర్షాకాలంలో దీన్ని తినడం వల్ల గుండె ఆరోగ్యాన్ని కాపాడుకోవచ్చు.
మొక్కజొన్న తక్కువ కేలరీలు ఉంటాయి. ఫైబర్ పుష్కలంగా ఉంటుంది. ఈ రెండు కూడా బరువును అదుపులో ఉంచుతాయి.
మొక్కజొన్నలో ఐరన్ ఎక్కువ మోతాదులో ఉంటుంది. ఇది రక్తహీనతను తగ్గిస్తుంది.
ఇందులో ఉండే విటమిన్ సి చర్మానికి మేలు చేస్తుంది. అంతేకాదు చర్మాన్ని హైడ్రేట్ చేస్తుంది. హానికరమైన సూర్యకిరణాల నుంచి చర్మాన్ని రక్షిస్తుంది.