గుండెను శక్తివంతంగా చేసే లడ్డు..

డ్రై ఫ్రూట్ తో తయారు చేసిన లడ్డును ప్రతిరోజు తినడం వల్ల శరీరానికి బోలెడు లాభాలు కలుగుతాయి.

ముఖ్యంగా డ్రై ఫ్రూట్స్ లో విటమిన్స్, ఖనిజాలు, ఫైబర్, యాంటీ ఆక్సిడెంట్లు ఎక్కువ మోతాదులో లభిస్తాయి.

ముఖ్యంగా బాదం, పిస్తా, జీడిపప్పు, వాల్ నట్స్ తో తయారు చేసిన లడ్డూలను తినడం వల్ల గుండె ఎంతో ఆరోగ్యంగా ఉంటుంది.

తరచుగా గుండె సమస్యలతో బాధపడేవారు ప్రతిరోజు డ్రై ఫ్రూట్స్ తో తయారు చేసిన లడ్డును తినడం వల్ల ఎంతో మంచి ఫలితాలు పొందుతారు.

అలాగే డ్రై ఫ్రూట్ లడ్డును తినడం వల్ల వచ్చే గుండెపోటు ప్రమాదం కూడా తగ్గుతుందని ఆరోగ్య నిపుణులు చెబుతున్నారు.

అంతేకాదు.. డ్రై ఫ్రూట్స్ తో చేసిన లడ్డు తినడం వల్ల శరీరంలోని పెరిగే చెడు కొలెస్ట్రాల్ తగ్గుతుందట.

డ్రై ఫ్రూట్స్‌లో మెగ్నీషియం, పొటాషియం, ఇనుము, జింక్ వంటి పదార్థాలు సమృద్ధిగా ఉంటాయి. దీని కారణంగా శరీరంలో మంచి కొలెస్ట్రాల్ కూడా పెరుగుతుంది.

మీరు కూడా డ్రై ఫ్రూట్స్ లడ్డు తయారు చేసుకోవాలనుకుంటున్నారా..? ఈ పద్ధతిలో తయారు చేసుకోండి..

డ్రై ఫ్రూట్స్ లడ్డు తయారీ విధానానికి కావలసిన పదార్థాలు: 1 కప్పు బాదంపప్పులు, 1/2 కప్పు జీడిపప్పు, 1/4 కప్పు వేరుశెనగపప్పు, 1/4 కప్పు పిస్తా

కావలసిన పదార్థాలు: 1/4 కప్పు యాలకులు, 1/4 కప్పు ఖర్జూరాలు (బీజాలు తీసినవి), 1/2 కప్పు నెయ్యి, 1/2 కప్పు పంచదార (రుచికి అనుగుణంగా), 1/4 టీస్పూన్ యాలకుల పొడి

తయారీ విధానం: ముందుగా ఒక బౌల్ పెట్టుకొని అందులో బాదంపప్పు, జీడిపప్పు, వేరుశెనగపప్పు, పిస్తా, యాలకులను వేయించి పక్కన పెట్టుకోవాల్సి ఉంటుంది.

వేయించిన డ్రై ఫ్రూట్స్ ను మెత్తగా పొడి చేసుకోండి.

ఒక పెద్ద బాణలిలో నెయ్యి వేడి చేసి, ఖర్జూరాలను వేయించి మిశ్రమంలో తయారు చేసుకోండి.

ఖర్జూరాలతో పాటు పొడి చేసిన డ్రై ఫ్రూట్స్ పొడి, యాలకుల పొడి వేసి బాగా మిక్స్ చేయాల్సి ఉంటుంది.

మిశ్రమం వేడి తగ్గిన తర్వాత చిన్న చిన్న ఉండలుగా తయారు చేసుకొని గాలి చొరబడని డబ్బాలో నిలువ చేసుకోండి.

ఇలా తయారు చేసుకున్న డ్రై ఫ్రూట్స్ లడ్డూను రోజు ఉదయాన్నే తినడం వల్ల శరీరానికి అద్భుతమైన పోషకాలు లభిస్తాయి.