ఫంక్షన్ ఉన్న ప్రతిసారి బ్యూటీ పార్లర్ కి వెళ్లడం అంత మంచిది కాదు.. బ్యూటీ పార్లర్ ప్రొడక్ట్స్ ద్వారా మన స్కిన్ చాలా డామేజ్ అవ్వచ్చు.
అలాంటప్పుడు ఏదైనా ఫంక్షన్ ఉంటే.. ఇంట్లోనే సహజసిద్ధంగా.. మొహాన్ని నిగనిగలాడేలా చేసుకోవడం ఎలాగో చూద్దాం..
ఇంటిలో ఉండే సహజసిద్ధమైన పదార్థాలతో ముఖాన్ని చాలా తక్కువ ఖర్చుతోనే.. మిలమిల మెరిసేలా చేసుకోవచ్చు.
దీనికోసం ముందుగా ఒక బౌల్ తీసుకొని.. అందులో ఒక టేబుల్ స్పూన్ శనగపిండి, ఒక టేబుల్ స్పూన్ పంచదార వేసుకోండి.
అందులోనే ఒక టేబుల్ స్పూన్.. రాగి పిండి, ఒక టేబుల్ స్పూన్ కొబ్బరినూనె వేసి రెండిటిని బాగా కలపాలి.
ఈ మిశ్రమాన్ని బాగా ముఖానికి పట్టించి..2 నిమిషాలు బాగా మర్దనా చేయాలి.
తర్వాత ఒక పది నిమిషాలు ఆరనివ్వాలి.. ముఖం ఆరిన తర్వాత చల్లని నీటితో శుభ్రం చేసుకోవాలి. ఇలా చేసుకోవడం వల్ల.. పార్టీ గ్లో.. మీ మొహంలోనే కనిపిస్తుంది.