ఎంతో ఈజీగా గోధుమ పిండి లడ్డును ఎలా చేసుకోవాలో చూడండి

గోధుమ పిండి లడ్డు ఆరోగ్యానకి ఎంతో మేలు చేస్తుంది.

దీని తయారు చేయడం ఎంతో సులభం.

కావాల్సిన పదార్థాలు: ఎర్ర గోధుమలు, చక్కెర, నెయ్యి

పాలు, ఎండుద్రాక్ష, బాదం, జీడిపప్పు, యాలకుల పొడి

తయారీ విధానం: ఎర్ర గోధుమలను శుభ్రం చేసి, వేడి చేసిన పాత్రలో వేసి దోరగా వేయించాలి.

వేయించిన గోధుమలను మిక్సీలో మెత్తగా అరగదీయాలి.

పిండి మరీ మెత్తగా కాకుండా, మరీ రవ్వగా కాకుండా మధ్యస్తంగా ఉండాలి.

చక్కెరను మిక్సీలో మెత్తగా పొడి చేసుకోవాలి.

ఎండుద్రాక్ష, బాదం, జీడిపప్పులను చిన్న చిన్న ముక్కలుగా తరిగితీసుకోవాలి.

గోధుమ పిండి, చక్కెర పొడి, డ్రై ఫ్రూట్స్, యాలకుల పొడిలను ఒక పాత్రలో కలపాలి.

ఈ మిశ్రమంలో రెండు చెంచాల పాలు గాని,

నెయ్యి గాని వేసి బాగా కలిపితే చక్కగా ముద్దలాగా అవుతుంది.

ఈ ముద్దను తీసుకొని కావలసినంత పరిమాణంలో ఉండలుగా చుట్టుకోవాలి.