చలికాలంలో ఫ్రెష్ టొమాటో సూప్ ఎలా తయారు చేయాలి..?

టమాటా సూప్‌లో బోలెడు పోషకాలు ఉంటాయి.

జీర్ణక్రియవ్యవస్థను మెరుగుపరచడంలో సహాయపడుతుంది.

కావాల్సిన పదార్థాలు: పండిన టమాటాలు - 5-6, ఉల్లిపాయ - 1 (సన్నగా తరిగినది)

వెల్లుల్లి రెబ్బలు - 2-3, అల్లం - 1 అంగుళం ముక్క, బే లీఫ్ - 1

జీలకర్ర - 1/2 టీస్పూన్, కారం పొడి - 1/2 టీస్పూన్, కొత్తిమీర - కొద్దిగా తరిగినది

ఉప్పు - రుచికి తగినంత, నూనె - 1 టేబుల్ స్పూన్, కార్న్ ఫ్లోర్-సూప్‌ను చిక్కగా చేయడానికి

తయారీ విధానం: టమాటాలను శుభ్రంగా కడిగి, వాటిని చిన్న చిన్న ముక్కలుగా కోసి పెట్టుకోండి.

వెల్లుల్లి రెబ్బలు, అల్లం ముక్కను కలిపి మిక్సీలో మెత్తగా రుబ్బుకోండి.

ఒక పాత్రలో నూనె వేసి వేడి చేయండి.

వేడి నూనెలో జీలకర్ర వేసి పగలగొట్టి, తరువాత ఉల్లిపాయ ముక్కలు వేసి వేగించండి.

ఉల్లిపాయలు కాస్త బంగారు రంగులోకి మారిన తర్వాత వెల్లుల్లి-అల్లం పేస్ట్ వేసి బాగా వేగించండి.

తరువాత టమాటా ముక్కలు, బే లీఫ్, కారం పొడి వేసి బాగా కలపండి.

కొద్దిగా నీరు పోసి మూత పెట్టి కుక్కర్‌లో లేదా స్టౌ మీద మరిగించండి.

టమాటాలు మెత్తగా అయ్యే వరకు ఉడికించండి.

ఉడికిన మిశ్రమాన్ని చల్లారనిచ్చి, తరువాత మిక్సీలో మెత్తగా రుబ్బుకోండి.

కొద్దిగా నీటిలో కార్న్ ఫ్లోర్ కలిపి మిశ్రమాన్ని కుడుతూ సూప్‌లో వేసి బాగా కలపండి.

రుచికి తగినంత ఉప్పు వేసి కలపండి.

తయారైన టమాటా సూప్‌ను కప్పుల్లో పోసి, తరిగిన కొత్తిమీరతో అలంకరించి వడ్డించండి.