Protein rich Idly: పెసరపప్పు ఇడ్లీ.. ప్రొటీన్‌ పుష్కలం ఎంతో టేస్టీ

ఒక కప్పు పెసరపప్పును తగినన్ని నీరు పోసి ఓ గంటసేపు నానబెట్టుకోవాలి.

అందులో నుంచి నీరు తీసేసి పచ్చిమిర్చి ఒకటి వేసి మూడు టీస్పూన్ల నీరు కూడా వేసి మెత్తటి పేస్ట్‌ మాదిరి తయారు చేసుకోవాలి.

మీ మిక్సింగ్‌ను ఒక బౌల్‌లోకి తీసుకోవాలి. ఇందులోనే తురిమిన క్యారట్‌, పెరుగు, కొత్తిమీర ఉప్పు వేసి బాగా కలపాలి.

ఆ తర్వాత ఒక నాన్‌ స్టిక్‌ ప్యాన్‌ తీసుకుని అందులో ఆవాలు, మినపప్పు, కరివేపాకు కూడా వేసుకుని వేయించుకోవాలి.

ఈ తాలింపును పిండిలోకి వేసుకుని బాగా కలుపుకోవాలి.

చివరగా ఉప్పు, ఫ్రూట్‌ సాల్ట్‌ కూడా వేసి కలపాలి

ఇప్పుడు ఇడ్లీ మౌల్డుల్లోకి ఈ పిండిని వేసుకోవాలి.

ఓ పది నిమిషాలపాటు ఉడికించుకోవాలి. ఆ తర్వాత పెసర ఇడ్లీలు ప్లేట్‌లోకి తీసుకోవాలి.

దీన్ని కొబ్బరి చట్నీ, సాంబార్‌లో వేసి తింటే రుచి బాగుంటుంది.