వర్షాలు మొదలైపోయాయి.. సాయంత్రం వేడిగా ఏమన్నా తినాలి అనిపించడం ఖాయం. మరి అలాంటప్పుడు ఈ సగ్గుబియ్యం పునుగులు ట్రై చేయడం తప్పనిసరి.
ముందుగా ఒక కప్పు సగ్గుబియ్యాన్ని.. బాగా శుభ్రం చేసుకోవాలి. తరువాత ఒక పాత్రలో శుభ్రం చేసిన సగ్గుబియ్యం, అరకప్పు పుల్లని పెరుగును.. వేసి బాగా కలుపుకొని రెండు గంటలసేపు పక్కన పెట్టుకోవాలి.
దానిలో సన్నగా కట్ చేసుకున్న ఒక పెద్ద ఉల్లిపాయను.. వేసుకోవాలి.
తరువాత ఒక కప్పు బియ్యప్పిండి, అరకప్పు గోధుమ పిండిని.. వేసి బాగా కలుపుకోవాలి.
అందులోనే ఒక స్పూన్ జీలకర్ర, రెండు సన్నగా కట్ చేసుకున్న పచ్చిమిరపకాయలు, సన్నగా కట్ చేసుకున్న చిన్న అల్లం ముక్క, రుచికి సరిపడినంత ఉప్పు వేసుకొని బాగా కలుపుకోవాలి.
ఒక కడాయిలో నూనె వేడి చేసుకోవాలి.. నూనె వేడయ్యాక ఈ మిశ్రమాన్ని చిన్న చిన్న ఉండలుగా చేసుకొని ఆ నూనెలో వేసుకోవాలి.
పునుగులు గోధుమ రంగు.. వచ్చేవరకు వేయించుకోవాలి అంతే ఎంతో టేస్టీగా ఉండే సగ్గుబియ్యం పునుగులు రెడీ