స్ట్రీట్ స్టైల్ ఎగ్ బోండా చేసుకోవాలి అనుకుంటున్నారా.. అయితే తయారీ విధానం మీకోసం
ముందుగా నాలుగు కోడిగుడ్లు, ఒకతున్నారు కప్పు శెనగపిండి, రుచికి సరిపడా ఉప్పు, చిటికెడు వంట సోడా, ఒక స్పూన్ మిరియాల పొడి, డీప్ ఫ్రైకి సరిపడా నూనె, అర స్పూన్ కారం పక్కన పెట్టుకోండి.
నాలుగు కోడిగుడ్లను ఉడకపెట్టుకొని పొట్టు తీసుకొని పక్కన పెట్టుకోండి
ఒక గిన్నెలో శనగపిండి ఉండలు లేకుండా కలుపుకోవాలి. ఆ పిండిలోనే ఉప్పు, కారం, వంటసోడా వేసి కలపాలి.
ఇప్పుడు ఆ పిండిని బజ్జీల పిండిలా నీళ్లు పోసి బాగా కలుపుకోవాలి.
స్టవ్ మీద కళాయి పెట్టి డీప్ ఫ్రై చేయడానికి సరిపడా నూనెను వేసుకొని.. వేడెక్కాక.. కోడిగుడ్లను శెనగపిండిలో ముంచి వేడెక్కిన నూనెలో వేయాలి.
ఇప్పుడు అవి బంగారు రంగు వచ్చే వరకు వేయించుకోవాలి. తర్వాత తీసి ఆ ఎగ్ బోండాను రెండు ముక్కలుగా కట్ చేసి పైన కాస్త మిరియాల పొడిని చల్లుకోండి. అంతే ఎంతో రుచికరమైన ఎగ్ బోండా రెడీ.