ఇంట్లో టమాటో సాస్ ఎలా రెడీ చేయాలి?

టమాటా సాస్‌ను ఇంట్లో తయారు చేసుకోవడం చాలా సులభం..

మార్కెట్లో లభించే టమాటా సాస్లను ఆహార పదార్థాలలో వినియోగించడం వల్ల రుచి పెరిగినప్పటికీ భవిష్యత్తులో అనేక రకాల అనారోగ్య సమస్యలకు దారి తీసే అవకాశాలు ఉన్నాయి.

చాలామంది టమాటా సాస్ లో ఎక్కువగా చక్కెరను వినియోగిస్తున్నారు ఎక్కువ చెక్కరితో కూడిన సాసులను వినియోగించడం మంచిది కాదు.

ఎప్పటినుంచో మీరు కూడా ఇంట్లోనే పిల్లల ఆరోగ్యాన్ని దృష్టిలో పెట్టుకొని టమాటా సాస్ ని తయారు చేసుకోవాలనుకుంటున్నారా? ఇది మీకోసమే..

టమాటో సాస్ కి కావాల్సిన పదార్థాలు: టమాటాలు - 1 కిలో, ఉల్లిపాయ - 1 (తరిగినది), వెల్లుల్లి - 5 రెబ్బలు (తరిగినవి)

కావలసిన పదార్థాలు:అల్లం - 1 చిన్న ముక్క (తరిగినది), పచ్చి మిరపకాయలు - 2 (తరిగినవి), జీలకర్ర - 1 టీస్పూన్, ధనియాల పొడి - 1 టీస్పూన్, మిరియాల పొడి - 1/2 టీస్పూన్

కావలసిన పదార్థాలు: ఉప్పు - రుచికి సరిపడా, పంచదార - 1 టీస్పూన్ (కావలసిన అంత), వెనిగర్ - 1 టీస్పూన్ (రుచికి సరిపడా )

తయారీ విధానం: ఈ సాస్‌ను రెడీ చేసుకోవడానికి ముందుగా టమాటాలను శుభ్రంగా కడిగి, చిన్న ముక్కలుగా కోసుకోండి.

ఒక పాన్‌లో వేడి నూనె చేసి, అందులో ఉల్లిపాయ, వెల్లుల్లి, అల్లం, పచ్చి మిరపకాయలు వేసి బంగారు గోధుమ రంగు వచ్చేవరకు వేయించాలి.

ఆ తర్వాత ఇందులోనే జీలకర్ర, ధనియాల పొడి, మిరియాల పొడి వేసి కలపాలి.

అన్ని వేసుకున్న తర్వాత టమాట ముక్కలు వేసి, బాగా కలుపుతూ ఉడికించుకోవాలి.

టమాటో ముక్కలు మెత్తబడిన తర్వాత ఉప్పు, పంచదార వేసి మరికొద్దిసేపు బాగా ఉడికించాలి.

ఆ తర్వాత వెనిగర్ వేసి కూడా వేసుకొని బాగా మిక్స్ చేసుకోవాల్సి ఉంటుంది. ఆ తర్వాత ఈ మిశ్రమాన్ని మిక్సీలో వేసి బాగా గ్రైండ్ చేసుకోవాలి.

ఇలా గ్రైండ్ చేసుకున్న మిశ్రమాన్ని ఒక గాజు గ్లాసులోకి తీసుకొని నిల్వ చేసుకుంటే రెడీ అయినట్లే..