ఆరోగ్యానికి రాగి పిండి చాలా మంచిది. మరి అలాంటి రాగి పిండితో వడలు ఎలా చేసుకోవాలో చూద్దాం..
రాగిపిండి-2 క‌ప్పులు, తరిగిన ఉల్లిపాయ-1, తరిగిన పచ్చిమిర్చి-2, క్యారెట్ తురుము-పావు క‌ప్పు, ఉప్పు-కొద్దిగా, కొద్దిగా తరిగిన కొత్తిమీర, నెయ్యి-ఒక టేబుల్ స్పూన్, త‌గిన‌న్ని వేడి నీళ్లు.
మొదటిగా రెండు కప్పుల రాగి పిండిలో.. తరిగిన ఒక ఉల్లిపాయ, రెండు పచ్చిమిర్చి, పావుకప్పు క్యారెట్ తురుము.. రుచికి సరిపడా ఉప్పు.. కొద్దిగా కొత్తిమీర వేసుకొని కలుపుకోవాలి
ఆ తర్వాత నెయ్యి వేసి కలపాలి. తరువాత కొంచెం గోరు వెచ్చటి నీళ్లు పోసుకుంటూ పిండిని మెత్తగా కలుపుకోవాలి.
పాలిథిన్ కవర్ ను తీసుకుని.. దానికి కొద్దిగా నూనె రాసుకొని.. మనం కలిపిన పిండిని తీసుకుని కొద్దికొద్దిగా తీసుకుంటూ..చేతితో రొట్టెలాగా ఒత్తుకోవాలి.
స్టౌవ్ మీద పెనం పెట్టి అందులో నూనె పోసి.. నూనె వేడయ్యాక.. వడలాగా చేసిన మిశ్రమాన్ని అందులో వేసుకొని కాల్చాలి.
దీనిపై నూనె వేస్తూ.. ఎర్రగా అయ్యే వరకూ కాల్చుకోవాలి. ఇక ప్లేట్ లోకి తీసుకోవాలి. అంటే ఎంతో రుచికరమైన రాగి వడ రెడీ.