శనగలు తినడం వల్ల ఆరోగ్యానికి ఎన్నో ప్రయోజనాలు ఉన్నాయి. మరి అలాంటి శనగలతో కర్రీ ఎలా చేసుకోవాలో చూద్దాం
ముందుగా 200 గ్రాముల శనగలను నీళ్లలో 5 గంటలు నానబెట్టి ఆ తరువాత వేడి నీటిలో ఉడికించాలి.
పొయ్యి పైన కుక్కర్ పెట్టి అందులో నూనె పోసి వేడయ్యాక అందులో 2 దాల్చిన చెక్క, 4 లవంగాలు, 2 యాలకులు, ఒక టేబుల్ స్పూన్ జీలకర్ర, 2 బిర్యానీ ఆకులు వేసి వేయించాలి.
ఇప్పుడు రెండు ఉల్లిపాయలను బాగా తరుగుకొని ఈ నూనెలో వేసి రంగు మారే వరకు వేయించాలి.
ఆ తరువాత అందులోనే రెండు టమాటాలు రుబ్బి కొంచెం అల్లం వెల్లుల్లి పేస్ట్ వేసి, నీళ్లు పోయాలి. అల్లం వెల్లుల్లి పేస్ట్ పచ్చి వాసన పోయే వరకు బాగా వేగించుకోండి.
ఇప్పుడు ఒక స్పూన్ కారం, ధనియాల పొడి, అర స్పూన్ గరం మసాలా, రుచికి సరిపడా ఉప్పు వేసి 2-3 నిమిషాలు బాగా తిప్పాలి.
ఇప్పుడు ఆ మిశ్రమంలో నానబెట్టిన శనగలను కడిగి వేసుకుని అందులోనే కావల్సినంత నీళ్లు పోసి తిప్పి కుక్కర్‌ను మూతపెట్టి 6-7 విజిల్స్ వచ్చే వరకు ఉడికించాలి.
ఆ తరువాత కొంచెం రుచికి సరిపడా ఉప్పు వేసుకొని చివరిగా పైన కొత్తిమీర చల్లితే.. శనగల మసాలా రెడీ.