బతుకమ్మ అంటే పూల పండగ. పూలను పూజించే పండగ. అందులో ముఖ్యమైంది తంగేడు పువ్వు. ఈ తంగేడు పువ్వు లేని బతుకమ్మను పేర్చరు.
తంగేడుపువ్వులోని పోషకాలు చాలా మందికి తెలియకపోవచ్చు. ఈ పువ్వులో యాంటీ ఆక్సిడెంట్లు ఉంటాయి. అంతేకాదు ఈ పూల సారంలో టెర్పెనాయిడ్స్, టానిన్లు. ఫ్లెవయనాయిడ్స్, కార్డియాక్ గ్లైకోసైడ్లు, స్టెరాయిడ్స్ ఉంటాయి.
తంగేడు పువ్వులు డయాబెటిస్ వ్యాధిగ్రస్తులకు మేలు చేస్తాయి. ఫంగల్ ఇన్ఫెక్షన్లకు వ్యతిరేకంగా పోరాడుతాయి. పలు చికిత్సలోనూ తంగేడు పువ్వులను ఉపయోగిస్తారు.
మహిళలను వేధించే యూరీనరీ ట్రాక్ ఇన్ఫెక్షన్ నివారించే గుణాలు ఈ పువ్వుల్లో ఉన్నాయి. బ్యాక్టీరియా పెరుగుదలను నివారిస్తుంది.
ఆరోగ్య ప్రయోజనాలే కాదు అందానికి కూడా తంగేడు పువ్వుతో ఎంతో మేలు చేస్తుంది. తంగేడు పువ్వును ముఖానికి రాసుకుంటే చర్మం మెరిసిపోతుంది.
తంగేడు పువ్వులను ఎండబెట్టి పొడిగా చేసుకోవాలి. అందులో కొంచెం పసుపు పాలు కలిపి ముఖానికి రాసుకోవాలి.
మంగు మచ్చలు ఉన్నవారు తంగేడు పువ్వులతో తయారు చేసిన పేస్టును ముఖానికి రాసుకుంటే మంగు మచ్చలు మాయం అవుతాయి.
ముఖంపై మొటిమలు, మచ్చలు, వ్రుద్ధాప్య సంకేతాలు ఉన్నవాళ్లు తంగేడు పువ్వుల రసాన్ని ముఖానికి రాసుకుంటే మచ్చలు మాయం అవుతాయి.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి.