బంగాళదుంపలు లేదా ఆలుగడ్డలు ఇందులో ఎన్నో పోషకాలు ఉంటాయి. అంతేకాదు ఇందులో మంచి మొత్తం కార్బొహైడ్రేట్లు ఉన్నాయి. ఫైబర్, విటమిన్, విటమిన్ బి6, పొటాషియంతో సహా అనేక విటమిన్లు ఇందులో ఉన్నాయి.
బంగాళదుంపలు అంటే చిన్నపిల్లల నుంచి పెద్దల వరకు ఇష్టంగా తింటారు. అన్ని కూరగాయల ధరల కంటే బంగాళదుంపలు తక్కువ ధరకే లభిస్తాయి.
ఆలు తింటే శరీరానికి తక్షణ శక్తి వస్తుంది. శారీరక శ్రమ అవసరమయ్యే వ్యక్తులు ఆలు తినాలి. ఇందులో ఉండే యాంటీ ఆక్సిడెంట్లు చర్మాన్ని ఆరోగ్యంగా ఉంచుతాయి.
బంగాళదుంపలో ఫైబర్ అధికమోతాదులో ఉంటుంది. ఫైబర్ జీర్ణవ్యవస్థను మెరుగుపరుస్తుంది. ఆలుగడ్డలు తినడం వల్ల మలబద్ధకం నుంచి ఉపశమనం ఉంటుంది.
బంగాళదుంపల్లో మంచి మొత్తంలో పొటాషియం ఉంటుంది. ఇది రక్తపోటును కంట్రోల్లో ఉంచుతుంది. గుండె ఆరోగ్యాన్ని మెరుగుపరుస్తుంది.
ఆలుగడ్డలో విటమిన్ సి పుష్కలంగా ఉంటుంది. ఇమ్యూనిటీని పెంచేందుకు సహాయపడుతుంది. శరీరంలో ఇన్ఫెక్షన్లతో పోరాడుతుంది.
బంగాళదుంపలను తింటే ఎముకలు బలంగా ఉంటాయి. ఎందుకంటే ఇందులో ఫాస్పరస్, కాల్షియం అధిక మోతాదులో ఉంటుంది.
బంగాళదుంపలను షుగర్ పేషంట్లు తినకూడదు. ఎందుకంటే ఇందులో కార్బొహైడ్రేట్లు ఎక్కువగా ఉంటాయి. రక్తంలో షుగర్ లెవల్స్ ను పెంచుతుంది.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి.