వర్షాకాలంలో పచ్చదనంతో అలుముకుని పర్యాటకులను కొన్ని ప్రాంతాలు ఆకట్టుకుంటాయి. అయితే ఈ వర్షాకాలంలో కొన్ని సందర్శించకూడని ప్రాంతాలు కూడా ఉన్నాయి.
తెలియకుండా ఈ ప్రాంతాలను సందర్శించడానికి వెళ్తే ప్రమాదాల బారినపడుతారు.
దేశంలోనే అత్యధికంగా వర్షం కురిసే ప్రాంతం డార్జిలింగ్. పశ్చిమ బెంగాల్‌లోని డార్జిలింగ్, సిలిగురి ప్రాంతంలోని కొండల ప్రాంతాలలో అతి భారీ వర్షాలు కురుస్తుంటాయి. వర్షాకాలంలో డార్జిలింగ్ సందర్శించవద్దు.
హనీమూన్‌కు ప్రసిద్ది పొందిన కులు వర్షాకాలంలో సందర్శించకపోవడం మంచిది. వర్షాకాలంలో అక్కడ ఆకస్మిక వరదలు సంభవించే అవకాశం ఉంటుంది. ఈ అద్భుతమైన కొండల సందర్శనను వర్షాకాలంలో వాయిదా వేసుకోవాలి.
భారతదేశంలో కొండ ప్రాంతాలకు ఆలవాలమైన కూర్గ్‌ను ఈ కాలంలో సందర్శించకూడదు. కొండచరియలు విరిగిపడే అవకాశం ఉండడంతో వర్షాకాలంలో కూర్గ్‌ సందర్శన శ్రేయస్కరం కాదు.
ప్రకృతి, పచ్చదనానికి పేరుపొందిన అస్సాం రాష్ట్రాన్ని మాత్రం వర్షాకాలంలో సందర్శించరాదు. ఈ సమయంలో భారీగా వరదలు సంభవిస్తాయి. వర్షాకాలం యాత్రికులు అస్సాంను మినహాయించాలి.
అందమైన సముద్రపు తీర ప్రాంతమైన గోవాను వర్షాకాలంలో సందర్శించకూడదు. భారీ వర్షాలతో గోవా పరిస్థితులు ఆందోళనకరంగా ఉంటాయి.
దేశ రాజధాని ఢిల్లీని సందర్శించడానికి వర్షాకాలం సరికాదు. ఈ సమయంలో భారీ వర్షాలు కురిసి పరిస్థితి ప్రమాదకరంగా ఉంటుంది. వర్షాకాలం తర్వాత దేశ రాజధానిని సందర్శించవచ్చు.
దేశ ఆర్థిక రాజధానిగా ఉన్న ముంబై వర్షాకాలంలో ప్రమాదకరంగా ఉంటుంది. వర్షాకాలంలో వరదలతోపాటు భారీగా ట్రాఫిక్ జామ్‌ సమస్యలు ఉంటాయి.