Dehydration Is Avoided By Doing This
వేసవిలో శరీరం చాలా నీటిని కోల్పోతుంది. దీని వల్ల డీహైడ్రేషన్‌ సమస్య వస్తుంది. డీహైడ్రేషన్‌ వల్ల తలనొప్పి, అలసట, వికారం, మలబద్ధకం వంటి లక్షణాలు కనిపిస్తాయి. డీహైడ్రేషన్‌ సమస్య రాకుండా ఉండాలంటే రోజంతా పుష్కలంగా నీరు తాగాలి.
ఉదయం లేచిన వెంటనే ఒక గ్లాసు నీరు తాగాలి.
రోజంతా క్రమం తప్పకుండా నీరు తాగుతుండాలి. ఒకసారి చాలా ఎక్కువగా కాకుండా, కాస్త కాస్తగా తరచుగా నీరు తాగడం మంచిది.
మీరు బయటకు వెళ్లేటప్పుడు వాటర్‌ బాటిల్‌ని తీసుకోవడం చాలా మంచిది. దీని వల్ల మీరు డీహైడ్రేట్‌ అయినప్పుడు నీరు తీసుకోవచ్చు.
వ్యాయామం చేసేటప్పుడు, బయటకు వెళ్లేటప్పుడు ఎక్కువ నీరు తాగాలి.
నీళ్లలో నిమ్మరసం, పుదీనా ఆకులు, ద్రాక్ష, ఖర్జూరం వంటివి వేసుకుని తాగితే రుచిగా ఉండటమే కాకుండా, శరీరానికి మంచిది.
పండ్లు, కూరగాయలు ఎక్కువగా తినాలి. వీటిలో నీటి శాతం ఎక్కువగా ఉంటుంది. ఈ చిట్కాలను పాటిస్తే డీహైడ్రేషన్‌ సమస్య రాకుండా ఉండవచ్చు.