ఈ లక్షణాలు ఉంటే శరీరంలో విటమిన్ సి లేనట్లే..

అందరూ ఎదుర్కొంటున్న విటమిన్ లోపం సమస్యల్లో ఎక్కువ మంది ఎదుర్కొంటున్న సమస్య విటమిన్ C లోపం..

శరీరంలోని విటమిన్ సి తగ్గడం వల్ల దీర్ఘకాలికంగా అనేక రకాల వ్యాధులు వచ్చే అవకాశాలున్నాయి.

కొంతమందిలో విటమిన్ సి తగ్గడం వల్ల చిన్న చిన్న సమస్యలు వచ్చినప్పటికీ.. పోను పోను అనేక రకాల అనారోగ్య సమస్యలు రావచ్చని ఆరోగ్య నిపుణులు చెబుతున్నారు.

శరీరంలోని విటమిన్ సి తగ్గడం వల్ల వచ్చే వ్యాధులు ఏంటో? వాటికి సంబంధించిన పూర్తి వివరాలు ఇవే..

బాడీలో విటమిన్ సి లోపం ఏర్పడడం వల్ల చాలామందిలో దంతాల నుంచి రక్తం రావడం ప్రారంభమవుతుంది. కొంతమందిలో చిగుళ్ల నుంచి కూడా రక్తం వస్తుంది.

మరికొంతమందిలోనైతే శరీరంలో దీని లోపం ఉంటే చర్మంపై దద్దుర్లు, కీళ్లనొప్పులు, అలసట వంటి సమస్యలు కూడా వస్తాయి.

అలాగే విటమిన్ సి లోపం వల్ల శరీరంలో కొల్లాజెన్ విపరీతంగా తగ్గిపోయి.. గాయాలు మానడం లేట్ అవుతుంది.

కొంతమందిలోనైతే విటమిన్ సి తగ్గడం వల్ల రోగ నిరోధక శక్తి కూడా తగ్గిపోయి ..సీజనల్ వ్యాధుల బారిన పడే అవకాశాలు ఉన్నాయి.

విటమిన్ సి లోపం ఏర్పడితే రక్తహీనత వంటి సమస్యలు కూడా వస్తాయి.. దీని కారణంగా చర్మం లేతగా కూడా మారుతుంది.

మరి కొంతమందిలోనైతే విటమిన్ సి లోపం ఏర్పడితే కీళ్ల నొప్పులు కూడా విపరీతంగా పెరుగుతాయట.

ఇప్పటికే విటమిన్ లోపంతో బాధపడుతున్న వారు ఆహారాల్లో నిమ్మకాయ, నారింజను ఎక్కువగా వినియోగించడం మంచిది.