డీటాక్స్ వాటర్ బరువును తగ్గించడంలో ఎంతో ఉపయోగపడుతుంది. ఈ డీటాక్స్ వాటర్ శరీరంలో మెటబాలిజం పెంచి జీర్ణక్రియను.. కూడా మెరుగుపరుస్తుంది.
దీనిలో క్యాలరీస్ తక్కువ ఉండడం వల్ల.. బరువును అదుపు చేయడంలో ఎంతగానో తోడ్పడుతుంది. మరి ఈ వాటర్ ఎలా చేసుకోవాలో చూద్దాం.
దీనికి కావలసినవి మూడే మూడు పదార్థాలు కీరకాయ, పుదీనా, నిమ్మకాయ.
ముందుగా ఒక పెద్ద కీరకాయను తీసుకొని గుండ్రాటి ముక్కలుగా చేసుకోవాలి. తరువాత ఒక గుప్పెడు పుదీనా ఆకులను సన్నగా కట్ చేసుకోవాలి. తరువాత రెండు నిమ్మకాయలను.. సగానికి కట్ చేసుకోవాలి.
ఒక పెద్ద జారులో ఒక లీటర్ నీళ్లను.. తీసుకోవాలి. అందులో ఈ కీరా ముక్కలను, నిమ్మకాయలను, పుదీనా ఆకులను.. వేసి బాగా కలుపుకోవాలి.
దీనిని కనీసం రెండు గంటలసేపు ఫ్రిజ్లో ఉంచుకోవాలి. ఇలా ఫ్రిజ్లో ఉంచడం వల్ల.. కీరా, నిమ్మకాయ, పుదీనా ఫ్లేవర్స్ దాంట్లో ఇంకుతాయి.తర్వాత దీనిని రోజంతా తీసుకోవచ్చు